MHADA Sathi: मुंबईत स्वतःचं घर घेण्याचा विचार करताय?, AI करणार झटपट मदत!; कसं ते जाणून घ्या

MHADA Chatbot Assistant: महाराष्ट्र गृहनिर्माण व क्षेत्रविकास प्राधिकरणाने (MHADA) नागरिकांच्या सोयीसाठी "म्हाडासाथी" नावाचा AI चॅटबॉट सुरू केला. हा चॅटबॉट घर खरेदी, लॉटरी, अर्ज प्रक्रिया, नियमावली विषयांवर मराठी आणि इंग्रजी भाषेत अचूक माहिती देतो. 

मुंबईत घर घेणं झालं आता अधिक सोपं

मुंबई: मुंबई महानगरात स्वतःचं घर असावं, हे लाखो लोकांचं स्वप्न असतं. हे स्वप्न साकार करण्यासाठी महाराष्ट्र गृहनिर्माण व क्षेत्रविकास प्राधिकरण (MHADA) अनेक वर्षांपासून घरे, प्लॉट्स आणि गाळे लॉटरी व ई-ऑक्शनद्वारे उपलब्ध करून देत आहे. मात्र, अर्ज प्रक्रिया, लॉटरीचे नियम, आवश्यक कागदपत्रं याबाबत अनेकांच्या मनात संभ्रम असतो.

या सर्व शंकांचं निरसन करण्यासाठी MHADA ने एक अभिनव पाऊल उचललं आहे. "म्हाडासाथी" नावाचा आर्टिफिशियल इंटेलिजन्सवर आधारित स्मार्ट चॅटबॉट नागरिकांच्या सेवेत कार्यान्वित करण्यात आला आहे. 

"म्हाडासाथी" म्हणजे काय?

MHADA ने सुरू केलेला हा AI चॅटबॉट नागरिकांना घर खरेदी, प्लॉट्स, गाळे, अर्ज प्रक्रिया, लॉटरी, नियमावली, निविदा आणि इतर अधिकृत माहिती झटपट आणि अचूक पद्धतीने पुरवणार आहे. 

डिजिटल सेवांमध्ये आणखी एक पाऊल पुढे!

MHADA ने यापूर्वीच नागरिक सुविधा केंद्र, अभ्यागत व्यवस्थापन प्रणाली आणि "डिजी-प्रवेश" यांसारख्या अनेक डिजिटल सेवा सुरू केल्या आहेत. आता त्यात भर घालत 'म्हाडासाथी' या चॅटबॉटचे मुंबई MHADA मुख्यालयात लोकार्पण करण्यात आले. उपाध्यक्ष आणि CEO श्री. संजीव जयस्वाल यांच्या हस्ते या सेवेला सुरुवात झाली. 

नागरिकांसाठी मिळणारे महत्त्वाचे फायदे

अचूक, विश्वासार्ह आणि तत्काळ माहिती

MHADA च्या वेबसाइटवर थेट सेवा

लवकरच मोबाईल अॅपद्वारेही सुविधा

कार्यालयात जाण्याची गरज नाही

वेळ वाचवणारी, घरबसल्या सेवा 

मराठीत आणि इंग्रजीत उपलब्ध सेवा

‘म्हाडासाथी’ चॅटबॉट मराठी आणि इंग्रजी अशा दोन्ही भाषांमध्ये कार्यरत आहे. याशिवाय आवाजावर आधारित प्रणालीद्वारे नागरिक थेट आपले प्रश्न बोलून विचारू शकतात आणि लगेच उत्तरही मिळवू शकतात. 

या चॅटबॉटवर मिळणारी प्रमुख माहिती

म्हाडाच्या सर्व्हिसेस व कार्यपद्धती

लॉटरी आणि संगणकीय सोडतीची माहिती

अर्जाच्या सद्यस्थितीविषयी अपडेट

विविध गृहप्रकल्पांचे तपशील

नियमावली आणि नवीन धोरणं

निविदा आणि इतर अधिकृत सूचना 

सेवेत सातत्याने सुधारणा

MHADA ने नागरिक सुविधा केंद्रात प्रतीक्षा कालावधी फक्त 7-8 मिनिटांवर आणला आहे. लवकरच घरबसल्या कागदपत्र स्कॅन करून सबमिट करण्याची सुविधा देखील सुरू होणार आहे. MHADA च्या वेबसाईटवर 15 कोटीहून अधिक दस्तऐवज उपलब्ध करून देण्यात आले आहेत, ज्यामुळे माहिती अधिकार अंतर्गत अर्जांची संख्या लक्षणीयरीत्या घटली आहे.