Maharashtra Farmer Rain Relief : मुसळधार पाऊस, पूर, अतिवृष्टीचा मोठा तडाखा बसला आहे. मे महिन्यापासून सुरू झालेल्या पावसामुळे, तसेच जुलै-ऑगस्टमध्ये कृष्णा आणि वारणा नद्यांना आलेल्या महापुरामुळे नुकसान झाले. यातील काही शेतकऱ्यांना सरकारी मदत मिळाली.
प्रशासनाकडून मिळालेल्या आकडेवारीनुसार, गेल्या पाच महिन्यांत तब्बल १५ हजार ३९९ शेतकरी बाधित झाले असून, त्यांचे ४,९११.७४ हेक्टर इतके शेती क्षेत्र पूर्णपणे उद्ध्वस्त झाले आहे. या नुकसानीपोटी शासनाकडून जिल्ह्याला ९ कोटी ७ लाख ७८ हजार रुपये इतका निधी प्राप्त झाला असून, महसूल आणि कृषी विभागाने पंचनामे केलेल्या शेतकऱ्यांमध्ये या मदतीचे वाटप सुरू झाले आहे.
27
या तालुक्यातील शेतकऱ्यांना मदत
सांगली जिल्ह्यातील आटपाडी, कवठेमहांकाळ, मिरज, तासगाव, खानापूर, शिराळा, वाळवा, पलूस आणि कडेगाव या नऊ तालुक्यांतील शेतकऱ्यांचे मोठे नुकसान झाले आहे.
37
भरपाईचे दर आणि शेतकऱ्यांची प्रतिक्रिया
शासनाने निश्चित केलेल्या भरपाईचे दर खालीलप्रमाणे आहेत:
ही मदत शेतकऱ्यांसाठी दिलासा देणारी असली, तरी पिकांचे प्रत्यक्षात झालेले प्रचंड नुकसान पाहता ही मदत अपुरी असल्याची प्रतिक्रिया शेतकरी वर्गातून व्यक्त होत आहे. सोयाबीन, ऊस, भात आणि फळबागांना झालेल्या नुकसानीमुळे शेतकरी मोठ्या आर्थिक अडचणीत सापडला आहे.
57
सप्टेंबरमधील अतिवृष्टीचा नवा तडाखा
जुलै-ऑगस्टच्या नुकसानीतून शेतकरी सावरत असतानाच, सप्टेंबर महिन्यात झालेल्या अतिवृष्टीने संकटात आणखी भर घातली. केवळ सप्टेंबर महिन्यातच जिल्ह्यातील ३,५३५ हेक्टर क्षेत्रातील पिके बाधित झाली आहेत.
67
कुठे किती नुकसान
या नुकसानीत जत (२,३१९ हेक्टर) या तालुक्याला सर्वाधिक फटका बसला आहे. त्याशिवाय कवठेमहांकाळ (५७६.५० हेक्टर), तासगाव (३१२ हेक्टर) आणि आटपाडी (३२१.५० हेक्टर) तालुक्यांमध्येही पिकांचे मोठे नुकसान झाले आहे. या नुकसानीत २,५१५ हेक्टर जिरायत पिके, ५३६.५० हेक्टर बागायती पिके, तर ४८३ हेक्टर फळबागांचे क्षेत्र बाधित झाले आहे.
77
मोठ्या आर्थिक मदतीची गरज
वारंवार होणाऱ्या अतिवृष्टीमुळे आणि पुरस्थितीमुळे झालेल्या नुकसानीचा विचार करून शासनाने शेतकऱ्यांना अजून मोठ्या आर्थिक आधाराची गरज असल्याचे शेतकरी वर्गाने म्हटले आहे.
सांगली जिल्ह्यातील शेतकऱ्यांना या नुकसानीतून बाहेर पडण्यासाठी आणखी कोणती सरकारी मदत अपेक्षित आहे, याबद्दल तुमचे मत काय आहे?
