''साऊथ मुंबईत एका कोटी पगार प्रतिष्ठेचे, आर्थिक सुबत्तेचे लक्षण नाही'', IIM अहमदाबादचे अनुराग सिंगल यांचे स्पष्ट भाष्य

आजच्या साऊथ मुंबईच्या उच्चवर्गीय मंडळींमध्ये “ १ कोटी” हा आकडा एक प्रकारच्या ‘सुरुवातीचा टप्पा’ ठरतो. त्यामुळे या पगारात कौटुंबीक प्रगती साधणे अवघड जाते.

मुंबई - मुंबईत कधी काळी एक कोटी रुपयांचा वार्षिक पगार मिळणं म्हणजे प्रतिष्ठेचे आणि आर्थिक यशाचे लक्षण होतं. परंतु, IIM अहमदाबादचे माजी विद्यार्थी आणि सल्लागार अनुराग सिंगल यांनी त्यांच्या नुकत्याच प्रकाशित केलेल्या लिंक्डइन पोस्टमध्ये भाष्य केले आहे की, आजच्या साऊथ मुंबईच्या उच्चवर्गीय मंडळींमध्ये “रु. १ कोटी” हा आकडा एक प्रकारच्या ‘सुरुवातीचा टप्पा’ ठरतो. त्यामुळे या पगारात कौटुंबीक प्रगती साधणे अवघड जाते.

पगाराचे आकडे आणि खर्च

अनुराग सिंगल यांच्या मते, एका कोटी वार्षिक पगार भारतातल्या केवळ 0.1% वरिष्ठ कर्मचार्यांना मिळतो. मुंबईतली वाढती महागाई आणि उच्चभ्रू जीवनशैली यात भागवणे कठीण जाते. त्यामुळे ५० लाख वार्षीक पगाराच्या लोकांची आर्थिक होरपळ होताना दिसून येते.

त्यांचे पुढील मुद्दे बघा:

प्रचंड भाडे

वांद्रे पश्चिम (बांद्रा वेस्ट) किंवा वरळी या सारख्या उच्च दर्जाच्या भागात मासिक भाडे १.५–३ लाख दरम्यान आहे. त्यामुळे एका वर्षात भाड्यापोटी तब्बल १८–३६ लाख रुपये खर्च होतात. म्हणजेच पगारातील मोठा हिस्सा यात खर्च होतो.

करांचे ओझे:

नवीन कर व्यवस्थेनुसार १ कोटीच्या वार्षिक उत्पन्नावर साधारणपणे ३८ लाख किंवा त्याहून अधिक कर कट होतो. जुन्या व्यवस्थेत काही सवलती व कपात घेता येतात, परंतु तरीही कराचे ओझे खूप मोठे होते.

शहरातली जीवनशैली व इतर खर्च:

• आंतरराष्ट्रीय स्तरावरील शाळांमध्ये प्रवेश घेतला तर वर्षाचे सुमारे ५ लाख शाळेची फी म्हणून खर्च होतो.
• बाहेर खायला जायचे म्हटले तर एकत्रितपणे १०,००० किंवा त्याहून अधिक प्रति डिनर सहज खर्च येतो.
• कौटुंबीक सहलीला जायचे म्हटले तर वार्षिक सुमारे ५ लाख सहज खर्च होतात.
• हे सर्व खर्च काढल्यानंतर एका कोटीचा पगार असतानाही वार्षिक बचत जाते सुमारे १०–२० लाख दरम्यान राहते. ही रक्कम फार मोठी नाही.

मुंबईतील मध्यम वर्गीयांचे उत्पन्न

मुंबईच्या सामान्य घरांमध्ये वार्षिक उत्पन्न सुमारे ६–८ लाख असेल, तर एका कोटीचा पगार हा त्या उत्पन्नापेक्षा तब्बल १२–१५ पट जास्त आहे. त्यामुळे काही ठिकाणी, जसे बोरिवली किंवा ठाणे, येथे एक कोटीचा पगार मिळणारा व्यक्ती ‘विशेष’ समजला जातो.

साऊथ मुंबईची क्रेझ

फायनान्स आणि टेक क्षेत्रातील अनेक अधिकारी (CEO, CFO इ.) यांचे पगार ₹१–५ कोटी किंवा त्याहूनही अधिक असतात. अशा लोकांना १ कोटी पगार कमवणारा अतिशय सामान्य वाटतो.

अल्ट्रा हाय नेट वर्थ असणारे

Knight Frank या आंतरराष्ट्रीय रिअल इस्टेट सेवा एजन्सीच्या आकडेवारीनुसार, सध्या मुंबईमध्ये २० हजारांपेक्षा जास्त नागरिक अल्ट्रा-हाय-नेट-वर्थ (UHNWI) असणारे आहेत. या लोकांचा एकंदर संपत्तीचा स्तर वेगळाच आहे. त्यामुळे, कमाई नव्हे तर संपत्ती त्यांची खरी ताकद आहे.

• मुंबईत १ कोटी वार्षिक पगार घेणे ‘परिपूर्ण समृद्धी’ दर्शविणारे नाही.
• भाडे, कर, शिक्षण, आरोग्य, जीवनशैली या सर्व खर्चांमुळे या आकड्याकडे पाहण्याचा दृष्टिकोन बदलला आहे.
• मध्यवर्गीय भागात (बोरिवली, ठाणे) हा पगार तुमचं आर्थिक यश दर्शवतो. दक्षिण मुंबईतील उच्चवर्गीय लोक आणि सी-स्वूटमध्ये मात्र हा आकडा फारच कमी आहे.
• उच्च संपत्ती हीच आजच्या मुंबईत खरी ताकद आहे, केवळ उच्च उत्पन्न नाही.
• रु. १ कोटी हा आकडा तुमची ‘यशाची वाट’ दाखवतो, पण परिपूर्ण आर्थिक समाधान नाही.