Guru Purnima 2026 : गुरुपौर्णिमेनिमित्त शिर्डीतील साईबाबांचे घ्या दर्शन, पाहा खास फोटोज

गुरुपौर्णिमा हा भारतीय संस्कृतीतील गुरुच्या पूजनाचा आणि कृतज्ञता व्यक्त करण्याचा अत्यंत पवित्र दिवस मानला जातो. तर शिर्डीतील साईबाबा संस्थानात हा उत्सव मोठ्या भक्तिभावाने आणि उत्साहात साजरा केला जातो.

गुरुपौर्णिमेनिमित्त शिर्डीत खास तयारी

आज देशासह राज्यात गुरुपौर्णिमेचा उत्साह साजरा केला जात आहे. अशातच अनेकांचे श्रद्धास्थान असणाऱ्या शिर्डीतील साईबाबांच्या दर्शनासाठी आज अलोट गर्दी होते. पहाटे काकड आरती, अभिषेक आणि विशेष पूजनाने गुरुपौर्णिमा उत्सवाला प्रारंभ झाला.

खास सजावट

शिर्डीतील साईबाबांच्या मंदिरासह मुर्तीला आजच्या गुरुपौर्णिमेनिमित्त खास सजावट करण्यात आली आहे. फुलांचे आकर्षक डेकोरेशन केले गेले आहे.

'श्रद्धा आणि सबुरी'चा जीवनमंत्र

साईबाबांनी दिलेला 'श्रद्धा आणि सबुरी'चा जीवनमंत्र स्मरणात ठेवत भाविकांना गुरुपौर्णिमेच्या दिवशी समाधीचे दर्शन घेता येते. अनेक भक्त दिवसभर नामस्मरण, भजन आणि धार्मिक कार्यक्रमांत सहभागी होतात.

पालखी सोहळा आणि धार्मिक कार्यक्रमांनी भक्तिमय वातावरण

गुरुपौर्णिमेनिमित्त साई संस्थानात पालखी सोहळा, भजन-कीर्तन, प्रवचन आणि विशेष आरतीचे आयोजन करण्यात आले आहे. या धार्मिक कार्यक्रमांमुळे शिर्डी नगरीत सर्वत्र भक्ती, उत्साह आणि आध्यात्मिकतेचे वातावरण अनुभवायला मिळत आहे.

चार आरतींची परंपरा

शिर्डी साईबाबा मंदिरात दररोज काकड आरती, मध्याह्न आरती, धूप आरती आणि शेज आरती अशा चार प्रमुख आरत्या होतात. या आरत्यांमध्ये सहभागी होण्यासाठी देश-विदेशातून आलेले भाविक मोठी गर्दी करतात.