फडणवीसांच्या शपथविधी सोहळ्यात चोरट्यांचा धुमाकूळ
मुख्यमंत्री देवेंद्र फडणवीस यांच्या शपथविधी सोहळ्यात १३ जणांच्या सोन्याच्या चेन, रोख रक्कम आणि मौल्यवान वस्तू चोरीला गेल्या. आझाद मैदानावर झालेल्या या कार्यक्रमात गर्दी आणि गोंधळाचा फायदा घेत चोरट्यांनी हे कृत्य केले.
मुंबई: महाराष्ट्राचे नवे मुख्यमंत्री देवेंद्र फडणवीस यांच्या भव्य शपथविधी सोहळ्यात चोरीच्या मोठ्या घटना उघडकीस आल्या आहेत. आझाद मैदानावर आयोजित या कार्यक्रमात १३ जणांनी सोन्याची चेन, रोख रक्कम आणि १२.४ लाख रुपये किमतीच्या इतर मौल्यवान वस्तू हरवल्याच्या तक्रारी केल्या आहेत.
१३ एफआयआरची नोंद
अनेक सेलिब्रिटी आणि उच्चपदस्थ मान्यवरांसह ५० हजारहून अधिक लोक या कार्यक्रमाला उपस्थित होते. भारतीय दंड संहितेच्या कलम ३०३(२) अंतर्गत आतापर्यंत १३ एफआयआर नोंदवण्यात आल्याची माहिती पोलिसांनी दिली आहे. गर्दी आणि गोंधळात दागिने आणि पैसे गमावल्याचा दावा तक्रारकर्त्यांनी केला. आझाद मैदान पोलीस ठाण्याच्या अधिकाऱ्याने सांगितले की, आणखी तक्रारी येण्याची शक्यता आहे. सीसीटीव्ही फुटेजच्या मदतीने आम्ही गुन्हेगारांची ओळख पटवण्याचा प्रयत्न करत असल्याचे त्यांनी सांगितले.
पोलिसांचा तपास सुरू
या चोरीच्या घटना गांभीर्याने घेत पोलिसांनी तपासाला गती दिली आहे. सीसीटीव्ही फुटेज तपासले जात असून, आरोपींची ओळख पटवण्याचे प्रयत्न सुरू आहेत. या घटनेने सुरक्षा व्यवस्थेवरही प्रश्नचिन्ह निर्माण झाले आहे. चोरीच्या या घटनांमुळे पोलीस प्रशासनासमोर मोठे आव्हान उभे राहिले आहे. सीसीटीव्ही फुटेजच्या आधारे चोरट्यांची ओळख पटवून त्यांना अटक करण्याचे प्रयत्न सुरू असल्याचे पोलिसांचे म्हणणे आहे.
आणखी वाचा-
मंत्रिमंडळ विस्ताराला होणार विलंब? नावांची निवड, चर्चा आणि दिल्लीची मंजुरी बाकी!
शपथविधी समारंभाला 'ते' आले असते, तर आनंद झाला असता : मुख्यमंत्री फडणवीस
)
)
)
)