गावी जाणाऱ्यांची चंगळ! मध्य रेल्वे धावणार २,०१२ उन्हाळी स्पेशल गाड्या; पुणे-मुंबईसह 'या' शहरांना मोठा दिलासा

summer special trains: उन्हाळ्याच्या सुट्ट्यांमधील गर्दी लक्षात घेऊन मध्य रेल्वेने २०१२ विशेष गाड्या चालवण्याचा निर्णय घेतला. या गाड्या पुणे, मुंबई, सोलापूर, नागपूर यांसारख्या शहरांना जोडणार असून पुणे विभागातून सर्वाधिक गाड्यांचे नियोजन करण्यात आले. 

गावी जाणाऱ्यांची चंगळ! मध्य रेल्वे धावणार २,०१२ उन्हाळी स्पेशल गाड्या

पुणे: मे महिना आणि उन्हाळ्याची सुट्टी म्हणजे हक्काने गावी जाण्याचे दिवस! मात्र, या काळात रेल्वेच्या कन्फर्म तिकिटासाठी होणारी ओढाताण आता कमी होणार आहे. प्रवाशांची वाढती गर्दी लक्षात घेऊन मध्य रेल्वेने (Central Railway) तब्बल २ हजार १२ विशेष उन्हाळी गाड्या चालवण्याचा मोठा निर्णय घेतला आहे. यामध्ये पुणे, मुंबई, सोलापूर आणि नागपूर यांसारख्या प्रमुख शहरांचा समावेश आहे. 

पुणे विभागावर विशेष भर

पुणे, हडपसर आणि दौंड येथून सर्वाधिक १,०१३ गाड्यांचे नियोजन करण्यात आले आहे. याशिवाय प्रवाशांच्या वाढत्या मागणीनुसार अतिरिक्त ५६ फेऱ्याही सोडल्या जाणार आहेत. 

प्रमुख मार्गांचे वेळापत्रक आणि नियोजन

१. पुणे – कोल्हापूर – पुणे (दररोज)

कोल्हापूरला जाणाऱ्यांसाठी दररोज विशेष गाडी धावणार असून याच्या एकूण १८४ फेऱ्या होतील.

गाडी क्र. ०१०२३: पुणे येथून रात्री ९:५० ला सुटेल (पहाटे ५:०८ ला कोल्हापूर पोहोचेल).

गाडी क्र. ०१०२४: कोल्हापूर येथून रात्री ११:३० ला सुटेल (पहाटे ४:४५ ला पुणे पोहोचेल).

थांबे: सासवड रोड, जेजुरी, सातारा, कराड, सांगली, मिरज. 

२. हडपसर – हरंगुळ – हडपसर (विशेष गाडी)

कालावधी: १५ एप्रिल ते १५ जुलै २०२६.

वेळ: हडपसरवरून सकाळी ६:२० ला सुटेल, तर हरंगुळवरून दुपारी ३:०० वाजता परतीचा प्रवास सुरू करेल.

थांबे: दौंड, जेऊर, कुर्डुवाडी, बार्शी टाऊन, धाराशिव. 

३. परराज्यात जाणाऱ्या गाड्यांचे नियोजन

उत्तर भारत आणि विदर्भाकडे जाणाऱ्या प्रवाशांसाठीही खास सोय करण्यात आली आहे.

पुणे – गोरखपूर: ३२ फेऱ्या.

पुणे – दानापूर (दैनिक): १८४ फेऱ्या.

पुणे – नागपूर (साप्ताहिक): ५४ फेऱ्या.

पुणे – गाझीपूर सिटी: ८ फेऱ्या. 

इतर महत्त्वाचे मार्ग

दौंड – कलबुर्गी: १८३ फेऱ्या (अनारक्षित गाडी).

सोलापूर – दौंड: १८४ फेऱ्या (दैनिक).

मुंबई (LTT) – सोलापूर: २६ फेऱ्या (साप्ताहिक - २१ एप्रिलपासून). 

प्रवाशांसाठी टीप

या विशेष गाड्यांचे बुकिंग रेल्वेच्या अधिकृत वेबसाइटवर आणि आरक्ष खिडक्यांवर सुरू झाले आहे. सुट्ट्यांचे नियोजन करण्यापूर्वी वेळेची खातरजमा करून घ्या, जेणेकरून ऐनवेळी धावपळ होणार नाही.