PCMC Property Tax : पिंपरी-चिंचवड महापालिकेचा ऐतिहासिक विक्रम!, केवळ ९० दिवसांत ₹५२२ कोटींच्या मालमत्ता कराची वसुली
सार
PCMC Sets Record with ₹522 Cr Property Tax in Q1 FY25-26 : पिंपरी-चिंचवड महापालिकेने पहिल्या तिमाहीत ₹५२२.७२ कोटींचा मालमत्ता कर वसूल करून विक्रम केला आहे. वेळेत कर भरणाऱ्यांसाठी सवलती आणि CHDC प्रकल्पाच्या मदतीने हे शक्य झाले.
पिंपरी: पिंपरी-चिंचवड महापालिकेने (PCMC) आर्थिक वर्ष २०२५–२६ च्या पहिल्या तिमाहीत (१ एप्रिल ते ३० जून) ₹५२२.७२ कोटींच्या मालमत्ता कर वसुलीचा ऐतिहासिक विक्रम केला आहे. पालिकेच्या इतिहासात पहिल्यांदाच अवघ्या ९० दिवसांत ₹५०० कोटींचा टप्पा पार करण्यात आला आहे.
वेळेत कर भरणाऱ्या नागरिकांसाठी विविध सवलती
महापालिकेने वेळेत कर भरणाऱ्या नागरिकांसाठी विविध सवलती जाहीर केल्या होत्या. ३० जूनपर्यंत वैध असलेल्या सवलतींमध्ये ऑनलाइन भरणाऱ्यांसाठी १०% सवलत देण्यात आली होती. या सवलतीचा ४.१२ लाखांहून अधिक मालमत्ता धारकांनी लाभ घेतला, त्यामुळे महसुलात विक्रमी वाढ झाली.
आर्थिक वर्ष २०२१–२२ ते २०२५, २६ पहिल्या तिमाहीतील वसुली तुलना
FY २०२१–२२: ₹१७१.८५ कोटी
FY २०२२–२३: ₹२५३.६५ कोटी
FY २०२३–२४: ₹४५४ कोटी
FY २०२४–२५: ₹४४० कोटी
FY २०२५–२६: ₹५२२.७२ कोटी (सर्वाधिक)
कर सवलतीचा लाभ घेतलेले घटक
महिला मालमत्ता धारक: १७,४५९
माजी सैनिक: ४,०२३
दिव्यांग नागरिक: १,८९७
शौर्य पुरस्कार विजेते: ९
पर्यावरणपूरक मालमत्ता: २४,८६९
आगाऊ भरणारे करदाते: ४०,९३४
ऑनलाइन भरणारे: ३,२३,२३९
प्रभागनिहाय वसुली (कोटी रुपयांत)
वाकड: ₹६५.११
थेरगाव: ₹४७.५२
चिखली: ₹३९.३५
कासपटे वस्ती: ₹३७.६०
किवळे: ₹३४.२३
भोसरी: ₹३३.९५
चिंचवड: ₹३३.०३
पिंपरी-वाघेरे: ₹३२.८४
मोशी: ₹३०.५३
मुख्यालय: ₹२८.२२
सांगवी: ₹२७.०९
आकुर्डी: ₹२४.३३
चऱ्होली: ₹१६.३७
दिघी-बोपखेल: ₹१७.८४
तळवडे: ₹१२.९०
निगडी प्राधिकरण: ₹१२.७७
फुगेवाडी- दापोडी: ₹१८.४९
पिंपरी नगर: ₹४.२४
वसुलीचे ठळक पैलू
₹३८० कोटींहून अधिक ऑनलाइन माध्यमातून वसूल
१८ प्रभाग कार्यालयांतील रोख काउंटरवरून ₹३०.६३ कोटी
फक्त ३० जूनला एकट्या दिवशी ₹३४.४९ कोटींची वसुली
RTGS, धनादेश, रोख यांसारख्या बहुविध माध्यमांचा वापर
CHDC प्रकल्पाची भूमिका
PCMC चा City Hub for Data Communication (CHDC) प्रकल्प महसूल वाढीचा मुख्य आधार ठरला. यामुळे रिअल-टाईम माहिती, थकबाकीदारांवर लक्ष ठेवणे, आणि प्रभागनिहाय प्रतिसादाचे विश्लेषण शक्य झाले.
अधिकाऱ्यांची प्रतिक्रिया
शेखर सिंह, आयुक्त, PCMC:
"हा विक्रम केवळ आकड्यांचा नाही, तर नागरिकांचा वाढता विश्वास आणि सहकार्य याचे प्रतीक आहे. कर विभागाचे नियोजन, CHDC चा वापर, स्वयं-सहायता गटांच्या माध्यमातून बिल वितरण, आणि प्रभावी जनसंपर्क यामुळे हा यशस्वी टप्पा गाठता आला."
प्रदीप जांभळे पाटील, अतिरिक्त आयुक्त:
"३० जूनपर्यंत सवलतींबाबत नागरिकांचा प्रतिसाद जबरदस्त होता. टेलिकॉलिंग, डिजिटल मेसेजिंग आणि सोशल मीडियाचा उपयोग करून जागरुकता वाढवली."
अविनाश शिंदे, सहाय्यक आयुक्त (कर):
"वर्षाच्या सुरुवातीपासून पहिल्या तिमाहीत अधिकाधिक कर वसुली करण्याचे लक्ष्य होते. मागील दोन वर्षांच्या थकबाकीदारांशी संपर्क करून आणि सुटीच्या दिवशीही काउंटर खुले ठेवून आमच्या टीमने अथक प्रयत्न केले."