Nashik News : निफाडमध्ये शेततळ्यात बुडून 2 भावंडांचा मृत्यू

निफाड तालुक्यात शेततळ्यात बुडून दोन भावांचा मृत्यू झाल्याची घटना घडली आहे. दोन अल्पवयीन सख्या भावांचा मृत्यू झाल्याने नाशिकवर शोककळा पसरली आहे.

निफाड तालुक्यात शेततळ्यात बुडून दोन भावांचा मृत्यू झाल्याची घटना घडली आहे. दोन अल्पवयीन सख्या भावांचा मृत्यू झाल्याने परिसरात एकच खळबळ उडाली आहे. आज सकाळी आठ वाजेच्या सुमारास ही घटना घडली असून विहिरीवर मोटार चालू करण्यासाठी हे दोन भावंड गेले होते. मात्र, तळ्यात पडून त्यांचा दुर्दैवी मृत्यू झाला. नाशिकमधील दहा दिवसात बुडून मृत्यू होणार्‍यांची ही चौथी घटना आहे.

शेततळ्यात पडून दोघांचा मृत्यू निफाड येथील शेतकरी गोपाल जयराम ढेपले यांची मुले प्रेम गोपाल ढेपले व प्रतिक गोपाल ढेपले हे वीजपंप सुरु करण्यासाठी शेतात गेलेले होते. दोनही मुले घरी लवकर परत न आल्याने त्यांचा शोध घेण्यास गेलेल्या कुटुंबियांना दोनही मुले हे तळ्यातील पाण्यावर तरंगताना दिसून आले. त्यांना तात्काळ निफाड उपजिल्हा रुग्णालयात आणले असता डॉक्टरांनी त्यांना तपासून मृत घोषित केले. उपजिल्हा रुग्णालयात उत्तरीय तपासणी करण्यात आल्यानंतर मृतदेह नातेवाईकांकडे दिले सोपवण्यात येणार आहे. या घटनेमुळे परिसरात हळहळ व्यक्त केली जात आहे.