शिवसेनेत नाराजी! नरेंद्र भोंडेकरांचा सेनेतील पक्षाच्या उपनेतेपदाचा राजीनामा

महाराष्ट्र मंत्रिमंडळ विस्तारातून वगळल्यामुळे भंडारा आमदार नरेंद्र भोंडेकर यांनी शिवसेना उपनेतेपदाचा राजीनामा दिला. मंत्रिपद न मिळाल्याने नाराज असलेल्या भोंडेकर यांनी पक्षाच्या पूर्व विदर्भ समन्वयक पदाचाही राजीनामा दिला आहे.

भंडारा: महाराष्ट्रात महायुती सरकारच्या मंत्रिमंडळ विस्तारावेळी एकनाथ शिंदे यांच्या शिवसेनेत नाराजी बघायला मिळाली. आमदार नरेंद्र भोंडेकर यांनी पक्षाच्या उपनेतेपदाचा राजीनामा दिला आहे. मिळालेल्या माहितीनुसार, मंत्रिपद न मिळाल्याने नरेंद्र भोंडेकर संतापले होते. नरेंद्र भोंडेकर हे भंडाराचे आमदार आहेत.

शिवसेनेने त्यांना मंत्री न केल्यामुळे पक्षाच्या विविध पदांचा राजीनामा दिला आहे. पक्षाचं पूर्व विदर्भ समन्वयकाचा पद त्यांच्याकडे होतं. त्यांनी त्या पदाचा राजीनामा दिला आहे. सोबतच शिवसेनेच्या उपनेते पदाचा राजीनामाही त्यांनी दिला आहे. नरेंद्र भोंडेकर यांनी आमदारकीचा राजीनामा दिलेला नाही. 

नरेंद्र भोंडेकर यांचा निवडणूक प्रवास

नरेंद्र भोंडेकर हे वयाच्या 30 व्या वर्षी अविभाजित शिवसेनेच्या तिकिटावर भंडारा विधानसभा मतदारसंघातून पहिल्यांदाच विजयी झाले होते, तर 2019 मध्ये त्यांना पक्षाने तिकीट दिले नव्हते. त्यानंतर त्यांनी अपक्ष म्हणून निवडणूक लढवून विजय मिळवला आणि विधानसभेत पोहोचले. त्याचवेळी 2022 मध्ये शिवसेनेत झालेल्या बंडखोरीवेळी त्यांनी एकनाथ शिंदे यांना पाठिंबा दिला होता. त्याचा फायदा त्यांना 2024 च्या विधानसभा निवडणुकीत मिळाला आणि एकनाथ शिंदे यांच्या शिवसेनेने त्यांना पुन्हा भंडारा विधानसभा मतदारसंघातून उमेदवारी दिली. 

आणखी वाचा-