कमी दाबाचे क्षेत्र सक्रिय, जोरदार वाऱ्यांची शक्यता
दक्षिण राजस्थानच्या परिसरात ठळक कमी दाबाचे क्षेत्र सक्रिय असून, समुद्रसपाटीपासून जवळपास ७.६ किलोमीटर उंचीवर चक्राकार वाऱ्यांची स्थिती निर्माण झाली आहे. ही हवामान प्रणाली अधिक तीव्र होण्याची शक्यता आहे. सध्या मॉन्सूनचा कमी दाबाचा पट्टा जैसलमेरपासून सुरू होऊन गुना, दामोह, पेंद्रा रोड, संबलपूर, गोपालपूर ते बंगालच्या उपसागरापर्यंत सक्रीय आहे. त्यामुळे राज्याच्या विविध भागांमध्ये पावसाचा जोर टिकून राहण्याची शक्यता आहे.