Lok Sabha Election 2024 : शरद पवारांच्या गटातील उमेदवारांची आज दुसरी यादी जाहीर होण्याची शक्यता

Lok Sabha Election 2024 : लोकसभा निवडणुकीसाठी राजकीय पक्षांकडून जोरदार तयारी करण्यात आली आहे. याशिवाय राजकीय पक्ष निवडणुकीच्या रिंगणात उतरवलेल्या उमेदवारांच्या नावाचीही घोषणा करत आहेत. अशातच नुकतीच शरद पवार यांचा पक्ष ‘राष्ट्रवादी काँग्रेस पक्ष- शरदचंद्र पवार’ (Nationalist Congress Party-Shardchandra Pawar) यांच्या उमेदवारांची पहिली यादी जाहीर करण्यात आली. बुधवारी (3 मार्च) शरद पवारांच्या गटाची दुसरी यादी जाहीर होण्याची शक्यता आहे.

पाच जागांसाठी उमेदवारांची यादी जाहीर होणार
शरद पवारांच्या दुसऱ्या यादीमध्ये पाच जागांसाठी उमेदवारांच्या नावाची घोषणा केली जाणार आहे. यामध्ये भिवंडी (Bhiwandi), सातारा (Satara), रावेर (Raver), माढा (Madha) आणि बीडच्या (Beed) जागांचा समावेश आहे.दरम्यान, सातारा येथू श्रीवनिवास पाटील यांनी लढण्यास नकार दिला आहे. यासंदर्भात शरद पवारांनाही कळवण्यात आले आहे. पण पक्षातील वरिष्ठ नेत्यांकडून श्रीनिवास पाटील यांनीच सातारा मतदारसंघातून निवडणूक लढवावी असा आग्रह करण्यात येत आहे. अशातच आता दुसऱ्या यादीत कोणत्या उमेदवारांना संधी मिळणार याकडे सर्वांचे लक्ष लागून राहिले आहे.

पहिल्या यादीत कोणाला मिळालीय संधी?
राष्ट्रवादी काँग्रेस पक्ष- शरदचंद्र पवार यांच्या पक्षाच्या पहिल्या यादीमध्ये पाच मतदारसंघाच्या जागांवर उमेदवारांच्या नावाची घोषणा करण्यात आली आहे. यामध्ये वर्धा येथून अमर काळे, दिंडोरी येथून भास्करराव भगरे, बारामती येथून सुप्रिया सुळे, शिरूर येथून डॉ. अमोल कोल्हे आणि अहमनदर येथून निलेश लंके यांना निवडणुकीच्या रिंगणात उतरवण्यात आले आहे.

आणखी वाचा : 

हातकणंगले लोकसभा मतदारसंघातून निवेदिता माने उभ्या राहणार? राजू शेट्टींच्या विरोधात होणार लढत

हिंगोली लोकसभेचे हेमंत पाटलांच शिवसेना कापणार तिकीट, संतोष बांगर राहणार आगामी उमेदवार?

'निवडणुकीत विजय झाल्यास व्हिस्की अन् बिअर देणार...',चिमूरच्या वनिता राऊत यांचे मतदारांना विचित्र आश्वासन