Ladki Bahin Yojana E-KYC OTP Problem: ई-केवायसी करायला गेलात, पण OTP काही केल्या आला नाही? जाणून घ्या नेमकी अडचण!

Ladki Bahin Yojana E-KYC OTP Problem: लाडकी बहीण योजनेसाठी सरकारने ई-केवायसी बंधनकारक केले, परंतु महिलांना ओटीपी न मिळाल्याने ही प्रक्रिया पूर्ण करता येत नाही. पती, वडिलांच्या आधारशी मोबाईल नंबर लिंक नसल्याने, तांत्रिक अडचणींमुळे समस्या निर्माण झाली.

लाडकी बहिण योजना ई-केवायसी ओटीपी समस्या

Ladki Bahin Yojana E-kyc OTP Issue: महाराष्ट्र सरकारची 'मुख्यमंत्री माझी लाडकी बहीण योजना' महिलांना आर्थिकदृष्ट्या सक्षम करण्यासाठी सुरू करण्यात आली असून, याला राज्यभरातून उत्तम प्रतिसाद मिळत आहे. या योजनेअंतर्गत पात्र महिलांच्या खात्यात दरमहा ₹1500 जमा केले जातात. आतापर्यंत 14 हप्ते यशस्वीरित्या वितरित झाले आहेत.

पण आता सरकारने या योजनेत पारदर्शकता आणि लाभार्थींची खरी पात्रता निश्चित करण्यासाठी ई-केवायसी (e-KYC) बंधनकारक केली आहे. महिला आणि बालविकास मंत्री आदिती तटकरे यांनी सर्व लाभार्थींना पुढील दोन महिन्यांत ही प्रक्रिया पूर्ण करण्याचे आवाहन केले आहे. 

ई-केवायसी प्रक्रियेत सर्वात मोठा अडथळा, ओटीपी न मिळणे

सध्या अनेक महिलांना ई-केवायसी करताना तांत्रिक अडचणी येत आहेत. मुख्य समस्या म्हणजे, आधार क्रमांक भरल्यानंतर जो ओटीपी (OTP) यायला हवा, तो मोबाईलवर पोहोचतच नाही. यामुळे लाखो महिलांची प्रक्रिया अर्धवटच राहते आहे. 

ई-केवायसी कशी केली जाते?

ई-केवायसी करताना लाभार्थी महिलेला स्वतःचा आधार क्रमांक नोंदवावा लागतो. त्यानंतर तिच्या पतीचा (विवाहित महिला) किंवा वडिलांचा (अविवाहित/विधवा महिला) आधार क्रमांक आणि त्यास जोडलेला मोबाईल नंबर आवश्यक असतो. त्या संबंधित मोबाईल नंबरवरच ओटीपी पाठवला जातो, जो टाकल्यावरच पुढची प्रक्रिया पूर्ण होते. 

पण नेमकी अडचण काय?

अनेक महिलांच्या पती किंवा वडिलांचे मोबाईल नंबर आधारसोबत लिंक नसल्याने ओटीपी पोहोचत नाही.

काही वेळा पोर्टलवर तांत्रिक अडचणी येत असल्याने देखील ओटीपी जनरेट होत नाही.

परिणामी, ई-केवायसी अर्धवट राहते आणि महिलांना पुढील हप्ता मिळण्यात अडचण येऊ शकते. 

यावर उपाय काय?

आधार केंद्रावर जाऊन संबंधित व्यक्तीचा (पती/वडील) मोबाईल नंबर अपडेट करणे.

पोर्टलवरील तांत्रिक बिघाड दूर करण्यासाठी शासनाने तातडीने लक्ष घालणे.

महिलांना मदत करण्यासाठी हेल्पलाइन नंबर किंवा सुविधा केंद्रांवर सहाय्यक उपलब्ध करून देणे. 

सरकारची भूमिका

आदिती तटकरे यांनी महिलांना दिलेल्या मुदतीत ई-केवायसी पूर्ण करण्याचे आवाहन केले असले, तरीही सध्याच्या अडचणी पाहता शासनाने तत्काळ तांत्रिक अडथळ्यांवर तोडगा काढणे अत्यावश्यक आहे. महिलांचा वेळ, संयम आणि योजना लाभ सुरक्षित ठेवण्यासाठी हे पाऊल महत्त्वाचे ठरेल.