Ladki Bahin Yojana: लाडकी बहीण योजनेत मोठी कारवाई, तब्बल 26 लाख महिलांना ठरविले अपात्र!; तुमचे नाव तर नाही?

Ladki Bahin Yojana: मुख्यमंत्री माझी लाडकी बहीण योजनेअंतर्गत मोठी कारवाई करत, सुमारे 26 लाख 34 हजार महिलांना अपात्र ठरवण्यात आले आहे. चुकीची माहिती, इतर योजनांचा लाभ आणि उत्पन्नाच्या अटींचे पालन न केल्यामुळे त्यांचा लाभ बंद करण्यात आला आहे. 

लाडकी बहीण योजनेत मोठी कारवाई

मुंबई: महाराष्ट्रातील "मुख्यमंत्री माझी लाडकी बहीण योजना" अंतर्गत महिलांसाठी मोठी बातमी समोर आली आहे. राज्यभरातील तब्बल 2 कोटींहून अधिक महिलांना या योजनेचा लाभ मिळतो आहे. मात्र, सुमारे 26 लाख 34 हजार महिलांना अपात्र ठरवण्यात आलं असून, त्यांना योजनेचा पुढील लाभ बंद करण्यात आला आहे. 

नेमकं प्रकरण काय आहे?

राज्य सरकारच्या तपासणीत असे निष्पन्न झाले की, अनेक महिलांनी या योजनेचा लाभ पात्रतेच्या अटींच्या बाहेर जाऊन घेतला होता. त्यामुळे प्रशासनाने मोठ्या प्रमाणात छाननी करून अपात्र लाभार्थ्यांची यादी तयार केली आहे. 

अपात्र ठरवण्याची प्रमुख कारणं

इतर सरकारी योजनांचा लाभ घेणाऱ्या महिलांना योजनेतून वगळण्यात आलं आहे.

एका कुटुंबातील दोनपेक्षा अधिक महिलांनी अर्ज केल्यास, योजनेचा लाभ मिळणार नाही.

वयोमर्यादा: 21 ते 65 वर्षांच्या दरम्यान वय असणं आवश्यक.

वार्षिक उत्पन्न 2.5 लाख रुपयांपेक्षा जास्त असल्यास लाभ नाकारला जाईल.

सरकारी कर्मचारी, करदाते, चारचाकी वाहनधारक महिलाही अपात्र ठरतील.

ई-केवायसी न केलेल्या, आधार कार्ड लिंक नसलेल्या महिलांना लाभ बंद करण्यात येईल.

अर्जातील नाव आणि बँक खात्यावरील नावात तफावत असल्यास लाभ नाकारला जाईल.

नमो योजना किंवा दिव्यांग योजना यांचा लाभ घेणाऱ्यांना या योजनेतून लाभ मिळणार नाही.

कारवाई कशी झाली?

जून 2025 पासून, अपात्र महिलांचा लाभ तात्पुरता थांबवण्यात आला आहे.

जिल्हास्तरीय तपासणी सुरू असून, स्थानिक प्रशासन, महिला व बालविकास विभाग आणि IT विभाग यांचा सहभाग आहे.

अंगणवाडी सेविका घरोघरी जाऊन अर्ज व कागदपत्रांची तपासणी करत आहेत.

पात्र महिलांना नियमित सन्मान निधी दिला जात असून, अपात्र महिलांचे हप्ते रोखण्यात आले आहेत.

लाडकी बहीण योजनेसाठी पात्रतेच्या अटी

वय: 21 ते 65 वर्षे.

उत्पन्न: वार्षिक 2.5 लाखांपेक्षा कमी.

नोकरी: लाभार्थी महिला व त्यांच्या कुटुंबातील सदस्य सरकारी कर्मचारी नसावेत.

वाहन: कुटुंबाकडे चारचाकी वाहन नसावं.

कर: कुटुंबातील कोणीही करदाते नसावेत.

ई-केवायसी व आधार लिंकिंग अनिवार्य आहे.

अर्ज मंजूर झाल्यानंतर पुढील महिन्यापासून लाभ सुरू होतो.

महत्त्वाची सूचना

जर तुम्ही या अटींमध्ये बसत नसाल, तर लाडकी बहीण योजनेचा लाभ तुम्हाला मिळणार नाही. त्यामुळे आपली पात्रता पुन्हा एकदा तपासा आणि आवश्यक कागदपत्रांची पूर्तता करा.