नागपूरमधील रेव्ह पार्टीवर धाड, हायप्रोफाईल गेस्ट्सचा ‘नशेचा खेळ’ अखेर उघड

नागपूरच्या उपनगरातील एका बंगल्यात सुरू असलेल्या रेव्ह पार्टीवर पोलिसांनी छापा टाकला असून, चार जणांना अटक केली आहे. यामध्ये एक बांधकाम व्यावसायिक, इव्हेंट मॅनेजर आणि दोन हाय-प्रोफाइल व्यक्तींचा समावेश आहे. 

नागपूर – शहराच्या उपनगरातील शांत परिसरात, नवीन कामठी भागातील एका गुप्त बंगल्यात रविवारी रात्री मोठ्या प्रमाणावर रेव्ह पार्टी सुरू असल्याची माहिती मिळताच पोलिसांनी कारवाई करत चार जणांना अटक केली आहे. अटक करण्यात आलेल्यांमध्ये एक बांधकाम व्यावसायिक, इव्हेंट मॅनेजर आणि दोन हाय प्रोफाईल ‘गेस्ट्स’ यांचा समावेश आहे. या छाप्याने नागपूरच्या उपनगरात ‘हाय-एंड नशेच्या पार्टीज’चे अंडरकरंट पुन्हा समोर आले आहे.

गुप्त माहितीवरून पोलीस यंत्रणा सक्रिय नवीन कामठी परिसरातील एका सुसज्ज बंगल्यात सुरू असलेल्या पार्टीत म्युझिक, नशा, आणि ड्रग्जचा खुला वापर सुरू असल्याची माहिती गुन्हे शाखेला मिळाल्यानंतर शनिवारी मध्यरात्री कारवाई करण्यात आली. या ठिकाणी फॉरेन ब्रँडची दारू, हुक्का आणि काही प्रतिबंधित रसायनांचाही वापर सुरू असल्याचे आढळले.

रेव्ह पार्टी म्हणजे केवळ तरुणाई नाही, आता ‘एलीट क्लब’चा अड्डा सध्या रेव्ह पार्टी हे फक्त कॉलेज तरुणांचे नशेचे ठिकाण न राहता, उच्चभ्रू लोक, बिझनेसमन, आणि इव्हेंट नेटवर्किंग करणाऱ्यांसाठी एक ‘क्लोज सर्कल’ अड्डा बनला आहे. याच पार्श्वभूमीवर पोलिसांचा संशय अधिक वाढला असून, यामागे एखादे संगठित ड्रग्ज नेटवर्क असण्याची शक्यता तपासली जात आहे.

‘प्रोफेशनल नेटवर्किंग पार्टी’च्या नावाखाली बेकायदेशीर मजा? ही पार्टी ‘प्रोफेशनल मिटींग’ आणि ‘नेटवर्किंग इव्हेंट’ म्हणून आयोजित केल्याची बतावणी केली जात होती. परंतु प्रत्यक्षात हा आभास निर्माण करून, शहरातील काही श्रीमंत कुटुंबातील तरुण-तरुणींना ‘वाय आय पी’ आमंत्रण दिले जात होते, असा पोलिसांचा प्राथमिक अंदाज आहे.

स्थानिक पोलिसांना अंधारात ठेवून पार्टीचे आयोजन? या प्रकारातील एक धक्कादायक बाब म्हणजे, स्थानिक पोलीस ठाण्याच्या नाकावर टिचून, ही पार्टी कोणतीही पूर्वसूचना न देता आयोजित करण्यात आली होती. त्यामुळे स्थानिक पातळीवरील पोलिसांच्या भूमिकेवर देखील संशयाचे सावट आहे.