कांद्यानं महायुतीच्या 7 उमेदवारांचा केला करेक्ट कार्यक्रम!, निर्यातबंदीचा महायुतीला फटका

Loksabha Election Result 2024 : कांदा उत्पादक पट्ट्यात महायुतीच्या उमेदवारांना पराभवाचा सामना करावा लागला आहे. कांदा उत्पादक शेतकऱ्यांनी महायुतीच्या विरोधात मतदान केल्याचं चित्र पाहायला मिळालं. 

महाराष्ट्रातील लोकसभेच्या 48 जागांचे सर्व निकाल (Loksabha Election Result) हाती आले आहेत. यामध्ये महाविकास आघाडीनं बाजी मारलीय. त्यांना 30 जागांवर यश मिळालं आहे. अनेक ठिकाणी दिग्गज नेत्यांना पराभवाचा धक्का बसला आहे. दरम्यान, या निवडणुकीत शेतकऱ्यांच्या (Farmers) आक्रोशाचा मोठा फटका भाजपला बसला आहे. विशेषत: कांदा उत्पादक शेतकऱ्यांनी (Onion Farmers) भाजपच्या विरोधात मतदान केल्यानं अनेक उमेदवारांना पराभवाचा सामना करावा लागला आहे.

महाराष्ट्रात मोठ्या प्रमाणात कांद्याचे उत्पादन होते. मात्र, शेतकऱ्यांचा कांदा बाजारात आला की सरकारच्या धोरणाचा फटका शेतकऱ्यांना बसतो. वाढलेले दर कमी होतात. यावर्षी देखील तसच झालं. कांद्याचे दर वाढले की सरकारनं कांदा निर्यातबंदीचा निर्णय घेतला. त्यामुळं कांद्याचे दर खूप कमी झाले, याचा मोठा फटका शेतकऱ्यांना बसला. त्यामुळं शेतकरी आक्रमक झाले होते. सरकारच्या या धोरणाचा शेतकऱ्यांनी रस्त्यावर उतरुन निषेध केला होता. शेतकऱ्यांचा हाच रोष लोकसभा निवडणुकीत कांदा पट्ट्यात पाहायला मिळाला. कांदा पट्ट्यातील खासदारांना पराभवाचा सामना करावा लागला आहे. जाणून घेऊयात कांदा उत्पादक शेतकऱ्यांनी कोण कोणत्या उमेदवारांना पराभवाचा धक्का दिला आहे.

'या' 7 उमेदवारांचा कांद्यानं केला करेक्ट कार्यक्रम

1) भारती पवार (दिंडोरी) - पराभूत

2) हेमंत गोडसे (नाशिक) - पराभूत

3) हिना गावित (नंदुरबार) - पराभूत

4) सुजय विखे पाटील (अहमदनगर दक्षिण)- पराभूत

5) सुभाष भामरे (धुळे) - पराभूत

6) शिवाजीराव अढळराव पाटील (शिरुर) - पराभुत

7) सदाशिव लोखंडे (शिर्डी) - पराभुत

आणखी वाचा :