Diwali Special ST Bus 2025: दिवाळीत गावी जायचंय? पिंपरी-चिंचवडहून सुटणार 396 खास एसटी बस, आरक्षणासाठी ही सोपी पद्धत वापरा

Diwali Special ST Bus 2025: दिवाळीनिमित्त गावी जाणाऱ्या प्रवाशांसाठी एसटी महामंडळाने (MSRTC) मोठी घोषणा केली. पिंपरी-चिंचवड आगारातून 15 ऑक्टोबर ते 5 नोव्हेंबर दरम्यान विदर्भ, मराठवाडा, खानदेश, पश्चिम महाराष्ट्रासाठी 396 जादा एसटी बस सोडण्यात येणारय.

दिवाळीनिमित्त गावी जाणाऱ्या प्रवाशांसाठी आनंदाची बातमी

पिंपरी-चिंचवड: दिवाळीनिमित्त आपल्या गावी जाण्याचा बेत आखणाऱ्या प्रवाशांसाठी एक आनंदाची बातमी आहे. महाराष्ट्र राज्य मार्ग परिवहन महामंडळ (MSRTC) ने यंदा दिवाळीच्या काळात प्रवाशांच्या सोयीसाठी मोठं पाऊल उचललं आहे. पिंपरी-चिंचवड आगारातून 396 जादा एसटी बस सोडण्यात येणार असून, या बस 15 ऑक्टोबर ते 5 नोव्हेंबर दरम्यान विविध मार्गांवर धावणार आहेत. 

गावी जाणाऱ्या नागरिकांसाठी मोठा दिलासा

शहरात शिक्षण, नोकरी किंवा व्यवसायासाठी राहणारे अनेक जण दिवाळी सणासाठी आपल्या गावी जाण्याची तयारी करत असतात. अशा प्रवाशांसाठी ही जादा बससेवा एक मोठा दिलासा ठरणार आहे. विदर्भ, मराठवाडा, खानदेश आणि पश्चिम महाराष्ट्र या भागांमध्ये जाणाऱ्या मार्गांवर या बसेस धावणार आहेत, ज्यामुळे प्रवास अधिक सुरक्षित, सोयीस्कर आणि विश्वासार्ह होणार आहे. 

प्रवाशांसाठी खास सवलती

एसटी महामंडळाने यंदा प्रवाशांसाठी विविध सवलतींचा पाऊस पाडला आहे.

4 वर्षांखालील बालकांसाठी पूर्णपणे मोफत प्रवास

12 वर्षांखालील मुलांसाठी अर्ध्या दरात तिकीट

60 वर्षांवरील ज्येष्ठ नागरिकांसाठी अर्धे तिकीट

75 वर्षांवरील ज्येष्ठांसाठी संपूर्ण मोफत प्रवास

सर्व महिला प्रवाशांसाठीही अर्ध्या दरात प्रवासाची सुविधा

याशिवाय, पार्किंग व्यवस्था, आरक्षण केंद्रांची संख्या आणि सुरक्षेच्या उपाययोजना यावरही विशेष भर देण्यात आला आहे. 

आरक्षण कसं कराल?

बस आरक्षण करण्यासाठी खालील पर्याय उपलब्ध आहेत.

ऑनलाइन बुकिंग :

www.msrtc.gov.in

www.msrtcors.co.in

प्रत्यक्ष तिकीट आरक्षण केंद्रे :

सर्व प्रमुख एसटी आगारांवर आणि अधिकृत केंद्रांवर तिकीट खरेदी करता येईल. 

गावी जाण्याची तयारी करा, एसटीसोबत सुरक्षित प्रवास घडवा!

दिवाळीच्या सणात आपल्या माणसांपर्यंत पोहोचायचंय? मग अजिबात वेळ न घालवता तुमचं एसटीचं तिकीट आजच बुक करा आणि सण साजरा करा गोड आठवणींसोबत!