प्रवाशांनो लक्ष द्या! छत्रपती संभाजीनगरहून धावणाऱ्या रेल्वेच्या वेळा बदलल्या; १ जानेवारीपासून 'हे' असेल नवे वेळापत्रक

Chhatrapati Sambhajinagar Train Time Change : दक्षिण मध्य रेल्वेने १ जानेवारी २०२६ पासून छत्रपती संभाजीनगरहून धावणाऱ्या अनेक गाड्यांच्या वेळापत्रकात बदल केले. यामध्ये वंदे भारत, जनशताब्दी आणि सचखंड एक्सप्रेससारख्या महत्त्वाच्या गाड्यांचा समावेश आहे

प्रवाशांनो लक्ष द्या! छत्रपती संभाजीनगरहून धावणाऱ्या रेल्वेच्या वेळा बदलल्या

छत्रपती संभाजीनगर : नवीन वर्षाच्या सुरुवातीलाच मराठवाड्यातील रेल्वे प्रवाशांसाठी एक मोठी अपडेट समोर आली आहे. दक्षिण मध्य रेल्वेने १ जानेवारी २०२६ पासून आपल्या गाड्यांच्या वेळापत्रकात महत्त्वपूर्ण बदल करण्याचा निर्णय घेतला आहे. यामध्ये वंदे भारत, जनशताब्दी आणि सचखंड यांसारख्या महत्त्वाच्या गाड्यांचा समावेश असून, अनेक गाड्यांच्या वेळेत ५ ते १५ मिनिटांचा फरक पडला आहे. 

प्रवासापूर्वी वेळापत्रक तपासणे अनिवार्य

रेल्वे प्रशासनाने स्पष्ट केले आहे की, १ जानेवारी किंवा त्यानंतरचे आरक्षण असलेल्या प्रवाशांनी प्रवासाला निघण्यापूर्वी आपल्या गाडीची वेळ निश्चित तपासावी. वेळेतील या बदलांमुळे प्रवाशांची धावपळ होऊ नये, यासाठी रेल्वेने अद्ययावत माहिती प्रसिद्ध केली आहे. 

छत्रपती संभाजीनगर स्थानकावरील सुधारित वेळा (१ जानेवारीपासून लागू)

खालील तक्त्यात गाड्यांच्या येण्या-जाण्याच्या वेळेत झालेले बदल दिले आहेत.

रेल्वेचे नाव जुनी वेळ (येणे/जाणे) नवीन वेळ (येणे/जाणे)

हिंगोली - मुंबई जनशताब्दी स. ९:३० / ९:३४ स. ९:३५ / ९:४०

मुंबई - नांदेड वंदे भारत संध्या. ६:४८ / ६:५० संध्या. ६:५३ / ६:५५

अमृतसर - नांदेड सचखंड स. ९:४० / ९:४५ स. १०:०० / १०:०५

काचीगुडा - मनमाड अजिंठा पहाटे ४:४० / ४:४५ पहाटे ५:२५ / ५:३०

मराठवाडा संपर्क क्रांती संध्या. ६:५५ / ७:०० संध्या. ७:१५ / ७:२०

हिसार - हैदराबाद एक्सप्रेस संध्या. ६:५५ / ७:०० संध्या. ७:१५ / ७:२०

दौंड - निजामाबाद एक्सप्रेस रात्री १२:४५ / १२:५० रात्री १:०५ / १:१०

निजामाबाद - पुणे एक्सप्रेस स. ८:२० / ८:२५ स. ८:२४ / ८:३०

नरसापूर - नगरसोल SF पहाटे ४:३० / ४:३५ पहाटे ४:५० / ४:५५

धर्माबाद - मनमाड मराठवाडा स. ९:४५ / ९:५० स. ९:५० / ९:५५

चेन्नई / रामेश्वरम - ओखा स. ९:५५ / १०:०० स. १०:०५ / १०:१०

नगरसोल - जालना DEMU संध्या. ७:४३ / ७:४५ संध्या. ७:५३ / ७:५५ 

येथे मिळेल खात्रीशीर माहिती

प्रवाशांनी अद्ययावत माहितीसाठी भारतीय रेल्वेचे अधिकृत संकेतस्थळ, 'नॅशनल ट्रेन इन्क्वायरी सिस्टीम' (NTES) ॲप किंवा स्टेशनवरील चौकशी कक्षाशी संपर्क साधावा, असे आवाहन दक्षिण मध्य रेल्वेने केले आहे.