बँक ऑफ महाराष्ट्रची 'महा सुपर कार कर्ज योजना': कोणासाठी आहे फायदेशीर?

बँक ऑफ महाराष्ट्रने महा सुपर कार कर्ज योजना सुरू केली आहे. यामध्ये केंद्र आणि राज्य सरकारसोबतच कॉर्पोरेट कर्मचाऱ्यांना परवडणाऱ्या दरात कर्ज उपलब्ध करून देते. मात्र यासाठी काही अटी ठेवण्यात आल्या आहेत. खाजगी क्षेत्रात काम करणाऱ्या कर्मचाऱ्याला त्या कंपनीत 1 वर्षाचा अनुभव असावा. तसेच सेवानिवृत्त कर्मचाऱ्यांनाही या सेवेचा लाभ घेता येईल. मात्र त्यांची पेन्शन दरमहा २५ हजार रुपये असणे आवश्यक आहे.

जाणून घ्या कर्ज मिळविण्याचे निकष काय आहेत

• बँक ऑफ महाराष्ट्रच्या सुपर लोन योजनेचा लाभ घेण्यासाठी वार्षिक उत्पन्नाचे निकष ठेवण्यात आले आहेत.
• यामध्ये पगारदार कर्मचारी किंवा पेन्शनधारकाचे वार्षिक उत्पन्न 3 लाख रुपये आणि दोन वर्षांसाठी ITR चा फॉर्म 16 असणे आवश्यक आहे.
• जर तुम्ही व्यावसायिक असाल तर तुमचे वार्षिक उत्पन्न ४ लाख रुपये आणि आयटीआर कागदपत्रे दोन वर्षांसाठी असली पाहिजेत.
• शेतकऱ्यांचे वार्षिक उत्पन्न किमान ४ लाख रुपये असावे.

या योजनेसाठी अर्ज कसा करावा

• या कर्जाचा लाभ घेण्यासाठी वापरकर्त्यांनी बँक ऑफ महाराष्ट्र शाखेला भेट द्यावी.
• त्यानंतर येथून अर्ज घ्या आणि पासपोर्ट आकाराच्या फोटोसह सबमिट करा.
• यानंतर तुम्हाला बँकेकडून एक रिक्वेस्ट नंबर मिळेल.
• त्यानंतर बँक अर्जदाराच्या अर्जाची तपासणी करेल.
• त्यानंतर कागदपत्र पडताळणीची प्रक्रिया होईल.
• मग एकदा कर्जाचा अर्ज मंजूर झाल्यानंतर, पैसे तुमच्या खात्यात हस्तांतरित केले जातील.

आणखी वाचा - 
मुंबईतील शाळेत शिक्षकाने 11 वर्षीय मुलीचा केला विनयभंग