महाराष्ट्रातील अमरावतीत मोहम्मद अयाझला अटक. 180 अल्पवयीन मुलींचं लैंगिक शोषण, 350 व्हिडिओ बनवून 'लव्ह ट्रॅप'मध्ये अडकवल्याचा आणि मानवी तस्करीचा आरोप. पोलीस सायबर नेटवर्क आणि टोळीचा तपास करत आहेत.
अमरावतीमधील ही घटना संपूर्ण देशाला हादरवणारी आहे. पोलिसांनी मोहम्मद अयाझ उर्फ तनवीर याला अटक केली आहे. त्याच्यावर तब्बल 180 अल्पवयीन मुलींचं लैंगिक शोषण करून 350 हून अधिक आक्षेपार्ह व्हिडिओ बनवल्याचा आरोप आहे. तो परतवाडा भागातील रहिवासी आहे.
26
व्हॉट्सॲप आणि स्नॅपचॅटचा वापर
आरोपी व्हॉट्सॲप आणि स्नॅपचॅटवरून अल्पवयीन मुलींशी संपर्क साधायचा. तो आधी मैत्री आणि प्रेमाचं नाटक करून त्यांना जाळ्यात ओढायचा. मग मुंबई-पुण्यासारख्या शहरात बोलावून त्यांचं शोषण करायचा. धक्कादायक म्हणजे, तो या घटनांचे व्हिडिओ रेकॉर्ड करून नंतर त्याच व्हिडिओंच्या आधारे मुलींना ब्लॅकमेल करत होता. काही मुलींना जबरदस्तीने देह व्यापारात ढकलल्याचाही आरोप आहे.
36
आरोपीच्या फोनमध्ये आक्षेपार्ह व्हिडीओ सापडले
पोलिसांनी आरोपीचा मोबाईल फोन जप्त केला आहे. या मोबाईलमध्ये अनेक आक्षेपार्ह व्हिडिओ सापडले आहेत. सायबर सेल आता हे व्हिडिओ कोणत्या प्लॅटफॉर्मवर शेअर केले गेले आणि यामागे एखादी मोठी टोळी आहे का, याचा तपास करत आहे.
या प्रकरणामुळे राजकीय वातावरणही तापलं आहे. अनिल बोंडे यांनी पोलीस अधीक्षकांना निवेदन देऊन तातडीने कारवाईची मागणी केली. वेळेत एसआयटी (SIT) स्थापन न केल्यास तीव्र आंदोलन करण्याचा इशाराही त्यांनी दिला आहे.
56
पोलिसांनी कठोर कारवाई करण्याची मागणी
प्रकरणाचं गांभीर्य ओळखून मुस्लिम समाजातील काही प्रतिनिधींनीही पोलिसांकडे कठोर कारवाईची मागणी केली आहे. अशा गुन्हेगारांना कडक शिक्षा व्हायलाच हवी, जेणेकरून समाजाची प्रतिमा खराब होणार नाही, असं त्यांचं म्हणणं आहे.
66
आरोपीला ७ दिवसांची पोलीस कोठडी
पोलिसांनी आरोपीला न्यायालयात हजर केलं, जिथून त्याला ७ दिवसांची पोलीस कोठडी सुनावण्यात आली आहे. आता यामागे तो एकटाच आहे की मोठं नेटवर्क सक्रिय आहे, याचा तपास यंत्रणा करत आहेत. हे प्रकरण केवळ एका व्यक्तीचा गुन्हा नसून, डिजिटल युगातील 'लव्ह ट्रॅप' आणि सायबर शोषणाच्या वाढत्या धोक्याचं मोठं उदाहरण आहे.
