Weather Alert: महाराष्ट्रावर 'दुहेरी संकट'! एका बाजूला उन्हाचा कडाका, तर दुसरीकडे पावसाचा इशारा; तुमच्या जिल्ह्याची स्थिती काय?

Published : Apr 09, 2026, 08:39 PM IST

maharashtra weather update: महाराष्ट्रात हवामानाची मोठी उलथापालथ होत असून, हवामान विभागाने काही जिल्ह्यांत उष्णतेच्या लाटेचा इशारा दिला आहे. याउलट, पश्चिम महाराष्ट्र आणि मराठवाड्यात विजांच्या कडकडाटासह अवकाळी पावसाची शक्यता वर्तवण्यात आली आहे. 

PREV
15
महाराष्ट्रावर 'दुहेरी संकट'! एका बाजूला उन्हाचा कडाका तर दुसरीकडे पावसाचा इशारा

मुंबई: महाराष्ट्रातील हवामानात मोठी उलथापालथ सुरू असून पुढील २४ तास राज्यासाठी अत्यंत महत्त्वाचे ठरणार आहेत. हवामान विभागाने (IMD) १० एप्रिल रोजी राज्याच्या विविध भागांसाठी वेगवगेळे इशारे दिले आहेत. काही जिल्ह्यांत उन्हाच्या झळांनी नागरिक हैराण होतील, तर काही ठिकाणी विजांच्या कडकडाटासह अवकाळी पावसाची हजेरी लागणार आहे. जाणून घेऊया तुमच्या विभागातील हवामानाचा सविस्तर अंदाज. 

25
१. कोकण: मुंबई-ठाण्याला उन्हाचा चटका

मुंबईसह ठाणे, रायगड आणि रत्नागिरी जिल्ह्यांसाठी 'यलो अलर्ट' जारी करण्यात आला आहे. हवेतील आर्द्रतेचे (Humidity) प्रमाण वाढल्याने उष्णतेची लाट जाणवेल. मुंबईत पारा ३४ ते ३८ अंश सेल्सिअस दरम्यान राहणार असून, घामाचा उकाडा अधिक त्रासदायक ठरेल. 

35
२. पश्चिम महाराष्ट्र आणि मराठवाडा, अवकाळी पावसाचे संकेत

पश्चिम महाराष्ट्रातील कोल्हापूर, सातारा, सांगली, सोलापूर आणि मराठवाड्यांतील लातूर, धाराशिव जिल्ह्यांमध्ये हवामानात मोठा बदल होणार आहे.

पावसाचा अंदाज: दुपारनंतर आकाश ढगाळ होऊन विजांच्या कडकडाटासह हलक्या ते मध्यम सरी कोसळण्याची शक्यता आहे.

शेतकऱ्यांना आवाहन: काढणीला आलेल्या पिकांचे नुकसान टाळण्यासाठी सुरक्षित व्यवस्था करावी. 

45
३. विदर्भ आणि उत्तर महाराष्ट्र: 'गरम' झोन कायम

राज्याच्या या भागात पावसाची शक्यता नसून कोरड्या हवामानामुळे उष्णता शिगेला पोहोचणार आहे.

तापमान: या पट्ट्यात कमाल तापमान ३९ ते ४३ अंश सेल्सिअस पर्यंत जाण्याची शक्यता आहे.

दिलासा नाही: उष्णतेची लाट कायम राहणार असल्याने दुपारच्या वेळी बाहेर पडणे टाळण्याचा सल्ला देण्यात आला आहे. 

55
नागरिकांसाठी महत्त्वाची खबरदारी

पाण्याचे प्रमाण वाढवा: उष्माघातापासून वाचण्यासाठी सतत पाणी पित राहा.

दुपारची कामे टाळा: सकाळी ११ ते संध्याकाळी ४ या वेळेत कडक उन्हात जाणे टाळा.

शेतकऱ्यांसाठी टीप: मेघगर्जना सुरू असताना झाडाखाली किंवा उघड्यावर आश्रय घेऊ नका.

मराठवाडा आणि पश्चिम महाराष्ट्रात पावसाची 'रिमझिम' असेल, तर उर्वरित महाराष्ट्र 'उन्हाच्या तडाख्यात' होरपळणार आहे.

RG
About the Author

Rameshwar Gavhane

रामेश्वर गव्हाणे हे asianetnews.com या प्रथितयश संस्थेच्या मराठी एशियानेट विभागात कंटेट रायटर या पदावर कार्यरत आहेत. त्यांनी रानडे इन्स्टिट्युट येथून पत्रकारितेचे पदव्युत्तर शिक्षण पूर्ण केलं असून पॉलिटिकल सायन्समध्ये पदव्युत्तर शिक्षण घेतले आहे. त्यांनी असिस्टेंट प्रोड्यूसर म्हणून टीव्ही ९ मराठी या न्यूज चॅनलमधून पत्रकारितेला सुरुवात केली. त्यानंतर त्यांनी लोकशाही मराठी न्यूज चॅनलमध्येही असिस्टेंट प्रोड्यूसर म्हणून काम केले आहे. त्यानंतर त्यांनी इनशॉर्ट्स पब्लिक अॅप येथे कंटेट स्पेशॅलिस्ट म्हणून काम केले आहे. त्यांना पत्रकारितेत एकूण ६ वर्षांचा अनुभव आहे. रामेश्वर गव्हाणे यांना राजकीय, सामाजिक विषय, गुन्हे या विषयावर लिहायला आवडते. त्यांना टीव्ही आणि डिजीटल मिडिया क्षेत्रात कामाचा अनुभव आहे.Read More...
Read more Photos on

Recommended Stories