Ajit Pawar Plane Crash: महाराष्ट्राचे उपमुख्यमंत्री अजित पवार प्रवास करत असलेले चार्टर्ड विमान बारामतीजवळ कोसळले. या अपघातात अजित पवारांसह अनुभवी को पायलट कॅप्टन शांभवी पाठक आणि पायलट कॅप्टन सुमित कपूर यांचाही या दुर्घटनेत मृत्यू झाला.
बुधवारी सकाळी महाराष्ट्राचे उपमुख्यमंत्री अजित पवार प्रवास करत असलेले चार्टर्ड Learjet 45 विमान पुणे जिल्ह्यातील बारामती विमानतळाजवळ कोसळले. या अपघातात अजित पवार, त्यांचे वैयक्तिक सुरक्षा अधिकारी आणि दोन पायलट यांच्यासह विमानातील सर्व सहा जणांचा मृत्यू झाला.
26
सकाळी 8 वाजता झाला अपघात
मुंबईहून सकाळी ८ वाजण्याच्या सुमारास निघालेले विमान बारामतीत उतरण्याचा प्रयत्न करत असताना नियंत्रणाबाहेर जाऊन कोसळले. यामुळे मोठी आग लागली आणि अनेक स्फोट झाले, असे प्रत्यक्षदर्शींनी सांगितले.
36
मुख्य पायलट आणि को पायलट यांचाही म़त्यू
विमानातील पायलट कॅप्टन सुमित कपूर आणि कॅप्टन शांभवी पाठक हे दोघेही अनुभवी एव्हिएशन व्यावसायिक होते. विमान चालवणाऱ्या VSR एव्हिएशनने त्यांच्या ओळखीची पुष्टी केली आहे.
लष्करी अधिकाऱ्याची मुलगी असलेली कॅप्टन शांभवी पाठक पायलट-इन-कमांड म्हणून कार्यरत होती. हवाई दलाच्या बाल भारती शाळेत शिकलेल्या शांभवीने मुंबई विद्यापीठातून एरोनॉटिक्स, एव्हिएशन आणि एरोस्पेस सायन्समध्ये बीएससी पूर्ण केले होते. त्यानंतर तिने न्यूझीलंड आंतरराष्ट्रीय कमर्शियल पायलट अकादमीमध्ये प्रशिक्षण घेतले.
56
कॅप्टन सुमित कपूर कोण होते?
कॅप्टन सुमित कपूर हे देखील पायलट-इन-कमांड म्हणून कार्यरत होते आणि टेक-ऑफ व लँडिंगसह महत्त्वाच्या टप्प्यांवर विमान कर्मचाऱ्यांचे नेतृत्व करण्याची जबाबदारी त्यांच्यावर होती.
66
VSR एव्हिएशनचे वरिष्ठ अधिकारी व्ही. के. सिंह यांचे काय म्हणणे आहे?
VSR एव्हिएशनचे वरिष्ठ अधिकारी व्ही. के. सिंह म्हणाले की, दोन्ही पायलट दिल्लीत राहत होते आणि त्यांचा विमान उड्डाणाचा अनुभव दांडगा होता. "आमच्या माहितीनुसार, विमान पूर्णपणे सुस्थितीत होते. त्यात कोणताही तांत्रिक बिघाड नव्हता. त्याची देखभाल चांगली केली जात होती," असे सिंह यांनी माध्यमांना सांगितले. खराब हवामानामुळे अपघात झाला असावा, असे प्राथमिक माहितीतून समोर आले आहे, असेही ते म्हणाले.
