Ajit Pawar Plane Crash: बारामतीमधील विमान अपघाताचा CCTV व्हिडिओ समोर आला आहे. यात उपमुख्यमंत्री अजित पवार यांच्या विमानाने लँडिंगवेळी पेट घेतला आणि क्षणार्थात होत्याचे नव्हते झाले. या भीषण अपघातात अजित पवारांसह 5 जणांचा मृत्यू झाला.
अजित पवार विमान अपघाताचा भयानक व्हिडिओ, पाहून अंगावर काटा येईल!
बारामतीची सकाळ आज एका अशा दृश्याची साक्षीदार ठरली, ज्याने संपूर्ण महाराष्ट्राला हादरवून सोडले. रोजच्या धावपळीत अचानक आकाशात उठणारा काळा धूर, मोठ्या स्फोटाचा आवाज आणि त्यानंतर शांतता... याच क्षणी उपमुख्यमंत्री अजित पवार यांचे विमान लँडिंगवेळी भीषण अपघाताचे बळी ठरले. हा केवळ एक अपघात नव्हता, तर असे दृश्य होते जे पाहून कोणाच्याही काळजाचा थरकाप उडेल.
26
लँडिंगवेळी झाला भीषण अपघात
मिळालेल्या माहितीनुसार, आज सकाळी सुमारे 8.45 वाजता अजित पवार यांचे चार्टर्ड विमान बारामती विमानतळावर उतरण्याचा प्रयत्न करत होते. त्याचवेळी अचानक संतुलन बिघडले आणि विमान जमिनीवर आदळताच चहू बाजूंनी आग लागली. काही सेकंदात सर्व काही संपले.
या भीषण अपघातात उपमुख्यमंत्री अजित पवार यांच्यासह एकूण 5 जणांच्या मृत्यूची पुष्टी झाली आहे. घटनेनंतर संपूर्ण परिसरात गोंधळ उडाला, तर प्रशासन आणि बचाव पथके तातडीने घटनास्थळी पोहोचली.
36
CCTV व्हिडिओने अपघाताचे भीषण चित्र समोर आणले
आता या अपघाताचा CCTV व्हिडिओ समोर आला आहे, जो अपघाताची भीषणता दाखवण्यासाठी पुरेसा आहे. फुटेजमध्ये विमान दुरून खाली येताना दिसत आहे. विमान जमिनीवर आदळताच मोठा स्फोट होतो आणि क्षणात विमान आगीच्या भक्ष्यस्थानी पडते.
व्हिडिओमध्ये स्पष्ट दिसते की, धडकेनंतर विमान दोन तुकड्यांमध्ये विखुरले जाते आणि आकाशात काळ्या धुराचे लोट उठू लागतात. हे दृश्य इतके भयानक आहे की व्हिडिओ बघणाऱ्यांच्या जीवाचा थरकाप उडतो.
मिळालेल्या माहितीनुसार, हे CCTV फुटेज बारामती विमानतळापासून काही अंतरावर असलेल्या हायवेवरून रेकॉर्ड झाले आहे. व्हिडिओमध्ये अपघाताची नेमकी वेळही नोंदवली गेली आहे - सकाळी 8.46 मिनीटांनी मोठ्या स्फोटाचा आवाज ऐकू येतो, ज्याचा प्रतिध्वनी अनेक किलोमीटरपर्यंत जाणवला.
स्थानिक लोकांच्या मते, स्फोटाचा आवाज इतका मोठा होता की, आजूबाजूच्या परिसरातील लोक घाबरून घराबाहेर आले.
56
अजित पवारांसह विमानातील सर्व 5 जणांचा मृत्यू
या विमानात उपमुख्यमंत्री अजित पवार यांच्यासोबत त्यांचे पीएसओ, एक अटेंडंट आणि दोन क्रू मेंबर्स होते. दुर्दैवाने, या भीषण अपघातात कोणालाही वाचवता आले नाही. प्रशासनाने पाचही जणांच्या मृत्यूला अधिकृत दुजोरा दिला आहे.
66
चौकशी सुरू, देशभरात शोककळा
अपघातानंतर विमान वाहतूक अधिकाऱ्यांनी चौकशी सुरू केली आहे. तांत्रिक बिघाड, हवामान किंवा मानवी चूक अशा प्रत्येक पैलूची चौकशी केली जात आहे. दुसरीकडे, या दुःखद घटनेनंतर देशभरात शोककळा पसरली आहे आणि राजकीय वर्तुळातही दुःखाचे वातावरण आहे.
