Maharashtra Election 2024: निवडणूक रिंगणातील 19% उमेदवारांवर गंभीर गुन्हे दाखल
महाराष्ट्र विधानसभा निवडणुकीत 19% उमेदवारांवर गंभीर गुन्हे दाखल आहेत, ज्यात बलात्कार, हत्या आणि महिलांवरील अत्याचारांचा समावेश आहे. ADR च्या अहवालानुसार, भाजपमध्ये सर्वाधिक 68% उमेदवारांवर गुन्हे दाखल आहेत, तर 38% उमेदवार करोडपती आहेत.
Maharashtra Election 2024: महाराष्ट्र विधानसभा निवडणुकीत यंदा 4136 उमेदवार रिंगणात आहेत. पण या निवडणुकीत एक धक्कादायक आकडा समोर आला आहे. या सर्व उमेदवारांपैकी 19% उमेदवारांवर गंभीर गुन्हे दाखल आहेत. हे गुन्हे बलात्कार, हत्या, हत्येचा प्रयत्न आणि महिलांवरील अत्याचारांशी संबंधित आहेत. यंदाच्या निवडणुकीत नेत्यांचे आर्थिक आणि शैक्षणिक स्तर, तसेच त्यांच्या पार्श्वभूमीतील गुन्हे समोर आले आहेत.
यंदाच्या निवडणुकीत 38% उमेदवार करोडपती असून, त्यांच्या निवडणूक खर्चात शेकडो कोटींचा समावेश आहे. हे उमेदवार विविध पक्षांचे आहेत, परंतु काही पक्षांत अधिक गंभीर गुन्हे दाखल असलेले उमेदवार आहेत.
असोसिएशन फॉर डेमोक्रॅटीक रिफॉर्म्स (ADR) चा अहवाल: एक नजर
‘असोसिएशन फॉर डेमोक्रॅटीक रिफॉर्म्स’ (ADR) च्या अहवालानुसार, यंदाच्या विधानसभा निवडणुकीत 288 मतदारसंघांमध्ये 204 महिलांसह 4136 उमेदवार निवडणुकीसाठी मैदानात उतरले आहेत. त्यापैकी 29% उमेदवारांवर विविध प्रकारच्या गुन्ह्यांचे आरोप आहेत, तर 19% उमेदवारांवर गंभीर गुन्ह्यांचा आरोप आहे. या गंभीर गुन्ह्यांमध्ये बलात्कार, हत्येचा प्रयत्न, आणि महिलांवरील अत्याचार यांचा समावेश आहे.
पक्षांमधील गुन्हेगारी पातळी, कोणत्या पक्षात किती गुन्हेगार?
ADR च्या अहवालानुसार, भाजपमध्ये सर्वाधिक 68% उमेदवारांवर गुन्हे दाखल आहेत. याशिवाय, शिवसेना ठाकरे गटाच्या 66%, शिवसेना शिंदे गटाच्या 64%, राष्ट्रवादी काँग्रेस पार्टी शरद पवार गटाच्या 61%, काँग्रेसच्या 58% आणि अजित पवार गटाच्या 54% उमेदवारांवर गुन्हे दाखल आहेत.
पक्षांचे शैक्षणिक आणि आर्थिक स्थर
आकडेवारीनुसार, यंदाच्या निवडणुकीतील 47% उमेदवारांचे शिक्षण बारावीपर्यंतच सीमित आहे, तर 47% उमेदवार पदवीधर किंवा पदव्युत्तर शिक्षण घेतलेले आहेत. याशिवाय, 10 उमेदवार अशिक्षित आहेत. निवडणुकीत 38% उमेदवार करोडपती आहेत, ज्यांचा निवडणुकीत खर्च आणि आर्थिक सामर्थ्य मोठे असू शकते.
महिला उमेदवारांची वाढती संख्या
सर्वात सुखद बाब म्हणजे यंदाच्या निवडणुकीत 202 महिला उमेदवार रिंगणात आहेत. यामध्ये विविध पक्षांचा समावेश असून, महिलांचा सहभाग वादग्रस्त मुद्द्यांवर प्रकाश टाकतो.
धक्कादायक तथ्ये
48 उमेदवारांकडे साधं पॅनकार्ड नाही.
47% उमेदवारांनी शिक्षणासंबंधी आपले विश्लेषण योग्य पद्धतीने दिलेले नाही.
निवडणुकीत सहभाग घेणाऱ्यांपैकी अनेक उमेदवार आपल्यावरील गुन्हेगारी आरोपांमुळे चर्चेत आहेत.
महाराष्ट्र विधानसभा निवडणुकीत गुन्हेगारी पार्श्वभूमी असलेले उमेदवार बहुसंख्येने आहेत. यामुळे नागरिकांच्या मनात अनेक प्रश्न निर्माण होतात. असो, निवडणुकीत कोणाची बाजू भारी पडते, हे मात्र मतदानाच्या निकालावर अवलंबून आहे.