कोलेस्ट्रॉल वाढलंय? शरीर आधीच देतंय 'धोक्याचे इशारे', दुर्लक्ष केलं तर मोठा त्रास!

बॅड कोलेस्ट्रॉल वाढल्यामुळे रक्तवाहिन्यांमध्ये अडथळा निर्माण होतो आणि हृदयाला होणारा रक्तपुरवठा थांबतो. यामुळे हृदयविकाराच्या झटक्यासह अनेक आरोग्य समस्या उद्भवू शकतात. 

वाढलेलं कोलेस्ट्रॉल; शरीर देतं 'हे' संकेत

वाढलेल्या कोलेस्ट्रॉलची लक्षणे वेळीच ओळखा:

डोळ्यांभोवती पिवळसर गाठी येणे

त्वचेखाली कोलेस्ट्रॉल जमा झाल्यामुळे पापण्यांवर पिवळ्या रंगाच्या गाठी दिसू शकतात.

पायांमध्ये वेदना होणे

चालताना किंवा पायऱ्या चढताना पायात वेदना किंवा मुंग्या येणे हे कोलेस्ट्रॉलचे लक्षण असू शकते.

हात आणि पाय थंड किंवा सुन्न पडणे

उष्ण हवामानातही हात-पाय थंड पडणे किंवा सुन्न होणे हे कोलेस्ट्रॉलचे लक्षण असू शकते.

सतत चक्कर येणे

वारंवार चक्कर येणे हे देखील काहीवेळा वाढलेल्या कोलेस्ट्रॉलचे लक्षण असू शकते.

धाप लागणे किंवा श्वास घेण्यास त्रास

पायऱ्या चढताना किंवा छोटी-छोटी कामे करताना धाप लागणे हे कोलेस्ट्रॉलचे लक्षण असू शकते.

अति थकवा जाणवणे

चांगली झोप घेऊनही थकवा जाणवणे हे वाढलेल्या कोलेस्ट्रॉलचे लक्षण असू शकते.

महत्त्वाची सूचना:

वर नमूद केलेली लक्षणे दिसल्यास, स्वतः निदान न करता डॉक्टरांचा सल्ला घ्या. त्यानंतरच आजाराची खात्री करा.