Vastu Plants : घरात ही रोपं लावलीत तर पॉझिटिव्ह एनर्जीसोबतच होईल धनलाभ!

घरात रोपं लावायला अनेकांना आवडतं. तुम्हालाही रोपांची आवड असेल, तर सौंदर्यासोबतच नशीब उजळवणारी रोपं निवडणं कधीही चांगलं. वास्तूशास्त्रानुसार घरात धनलाभ आणि पॉझिटिव्ह एनर्जी वाढवणारी रोपं कोणती आहेत, ते आपण जाणून घेऊया.

अरेका पाम

वास्तूशास्त्रानुसार घरात काही रोपं असणं खूप शुभ मानलं जातं. यात अरेका पामचं नाव सर्वात आधी येतं. हे रोप मोठ्या खोल्यांमध्ये एकदम छान सेट होतं. यामुळे खोलीला चांगला प्रकाश आणि प्रशस्त लुक मिळतो. बहुतांश लोक हे रोप लिव्हिंग रूममध्ये किंवा खिडकीजवळ ठेवणं पसंत करतात. हे रोप घरात पॉझिटिव्ह एनर्जी आणतं, असा विश्वास आहे.

लकी बांबू

अनेकजण हे रोप गिफ्ट म्हणून देणं पसंत करतात. छोट्या टेबल्सवर ठेवण्यासाठी हा एक परफेक्ट चॉईस आहे. विशेष म्हणजे हे रोप वाढवण्यासाठी मातीचीही गरज नसते. ते नेहमीच फ्रेश दिसतं. वास्तू तज्ज्ञांच्या मते, हे रोप पॉझिटिव्ह एनर्जी आणि नशिबाचं प्रतीक आहे.

मनी प्लांट

मनी प्लांट वाढवणं खूप सोपं आहे. जास्त काळजी घेतली नाही तरी हे रोप छान वाढतं. आर्थिक स्थैर्याचं प्रतीक असलेलं हे रोप कोणत्याही घरासाठी बेस्ट ऑप्शन आहे. पण वास्तू तज्ज्ञ सांगतात की, मनी प्लांट घरात योग्य दिशेला ठेवलं तरच पॉझिटिव्ह एनर्जी आणि संपत्ती वाढते. विशेषतः हे रोप आग्नेय दिशेला (दक्षिण-पूर्व) ठेवायला हवं.

पीस लिली

वास्तूशास्त्रानुसार पीस लिली घरात शांतता आणि पॉझिटिव्ह एनर्जी वाढवतं. तुम्ही हे रोप बेडरूम किंवा लिव्हिंग रूममध्ये ठेवू शकता. घरातील वातावरण आल्हाददायक ठेवण्यासाठी हे रोप खूप उपयोगी पडतं. शिवाय ते घराला एक रॉयल लुक देतं.

जेड प्लांट

वास्तूशास्त्रानुसार जेड प्लांट नशीब आणि संपत्तीचं प्रतीक मानलं जातं. घराच्या मुख्य दरवाजाजवळ किंवा आग्नेय दिशेला हे रोप ठेवलं तर पॉझिटिव्ह एनर्जी आणि आर्थिक भरभराट होते. छोट्या, हिरव्यागार पानांमुळे हे रोप घराच्या सजावटीसाठी एकदम परफेक्ट ठरतं. नवीन नोकरी, नवीन बिझनेस सुरू करणाऱ्यांना किंवा नवीन घरात जाणाऱ्यांना गिफ्ट देण्यासाठी हा एक सुपर ऑप्शन आहे.

स्नेक प्लांट

स्नेक प्लांट खूप कमी देखभालीत वाढतं. वास्तूशास्त्रानुसार स्नेक प्लांट घरात योग्य दिशेला ठेवलं तर सकारात्मक ऊर्जा वाढते. तज्ज्ञांच्या मते, हे रोप पूर्व, दक्षिण किंवा आग्नेय दिशेला ठेवणं चांगलं असतं. यामुळे घराचं सौंदर्य आणि शांतता दुप्पट होते.