रोजच्या गडबडीत स्वयंपाक करताना आपण नकळत अनेक चुका करतो. गॅसची आच कमी-जास्त करण्यापासून ते मसाल्यांचा चुकीचा वापर करण्यापर्यंत, अशा १० सामान्य चुका आणि त्या टाळण्याच्या सोप्या टिप्स जाणून घ्या. यामुळे तुमचं रोजचं जेवण आणखी चविष्ट होईल.
अनेक जण आधी भाज्या कापतात आणि मग धुतात. यामुळे भाजीतले सगळे पोषक घटक निघून जातात. तुम्ही नेहमी आधी भाज्या धुवून मगच त्या कापल्या पाहिजेत.
दुसरी चूक म्हणजे भाजीत एकदम जास्त मीठ टाकणे. भाजी शिजताना तिची चव बदलते. त्यामुळे सुरुवातीलाच जास्त मीठ टाकण्याऐवजी, थोडं मीठ टाका आणि मध्ये चव घेऊन गरजेनुसार मीठ वाढवा.
25
बोथट सुरीचा वापर थांबवा
सुरीला धार नसेल तर भाज्या कापणं कठीण जातं. जोर लावल्यामुळे हात कापण्याचीही शक्यता असते. त्यामुळे सुरी नेहमी धारदार आणि स्वच्छ ठेवा.
दुसरी चूक म्हणजे अगदी शेवटी जेवणाची चव पाहणे. पदार्थ पूर्ण शिजल्यावर मीठ, तिखट किंवा आंबटपणा बॅलन्स करणं अवघड जातं. त्यामुळे पदार्थ अर्धा शिजल्यावरच त्याची चव घ्या आणि गरजेनुसार मसाले टाका.
35
धूर येईपर्यंत तेल तापवू नका
धूर येईपर्यंत तेल तापवल्यास त्याची क्वालिटी खराब होते. अशा तेलात बनवलेलं जेवण आरोग्यासाठी हानिकारक असतं. त्यामुळे फोडणी देण्यापूर्वी तेल योग्य तापमानावरच गरम करा.
अनेक जण मसाले तेलात खूप वेळ परततात. हळद, लाल तिखट, धने पावडर आणि गरम मसाला जास्त वेळ तेलात परतल्यास ते जळतात आणि भाजीला कडवट चव येते. मसाले थोडेच परता आणि लगेच पुढचे जिन्नस टाका.
प्रत्येक जिन्नस शिजायला वेगवेगळा वेळ लागतो. काही जण कांदा, टोमॅटो, भाज्या आणि मसाले सगळं एकत्रच कढईत टाकतात. यामुळे काही गोष्टी जास्त शिजतात तर काही कच्च्या राहतात. तुम्ही नेहमी पदार्थाच्या गरजेनुसार योग्य क्रमानेच जिन्नस टाकले पाहिजेत.
दुसरी चूक म्हणजे शिजताना वारंवार झाकण उघडणे. भाजी किंवा भात शिजताना सतत झाकण काढल्यास वाफ बाहेर जाते आणि पदार्थ शिजायला जास्त वेळ लागतो. गरज असेल तेव्हाच झाकण काढा.
55
मटण किंवा चिकन जास्त शिजवू नका
चिकन किंवा मटण मोठ्या आचेवर जास्त वेळ शिजवल्यास ते कडक होतं. योग्य आचेवर शिजवल्यास मटण मऊ आणि चविष्ट राहतं.
दुसरी चूक म्हणजे शिजवलेलं अन्न जास्त वेळ बाहेर ठेवणे. जेवण झाल्यावर अन्न तासनतास बाहेर ठेवू नका. उष्ण वातावरणात अन्न लवकर खराब होतं. उरलेलं जेवण व्यवस्थित थंड करा आणि मगच फ्रिजमध्ये ठेवा.
