Kitchen Tips : डोसा तव्याला चिकटतोय? या सोप्या टिप्स वापरून पाहा

गरमागरम, कुरकुरीत डोसा खायला कुणाला नाही आवडत? पण अनेकदा डोसा बनवताना तो तव्याला चिकटतो आणि सगळा मूड जातो. जर तुमच्यासोबतही असं होत असेल, तर या चुका टाळा आणि परफेक्ट डोसे बनवा.

कास्ट आयर्न पॅन

डोसे बनवण्यासाठी चांगल्या क्वालिटीचा कास्ट आयर्नचा (बीडाचा) तवा वापरा. यामुळे डोसे तव्याला चिकटणार नाहीत आणि स्वयंपाक करणंही सोपं होईल.

तवा गरम करा

तवा स्वच्छ धुतल्यानंतर, तो मंद आचेवर चांगला गरम करा. त्यानंतरच त्यावर डोशाचं पीठ घाला. असं केल्याने पीठ तव्याला चिकटण्यापासून बचाव होतो.

जास्त गरम करू नका

तवा गरम करताना गॅसची आच मंदच ठेवा. तवा खूप जास्त तापला किंवा पुरेसा गरम झाला नाही, तर दोन्ही परिस्थितीत डोसा तव्याला चिकटू शकतो.

तेलाच्या बोळ्याने पुसा

प्रत्येक डोसा बनवल्यानंतर, तेलात बुडवलेल्या कापडाने किंवा कांद्याने तवा पुसून घ्या. यामुळे तव्याचा पृष्ठभाग गुळगुळीत राहतो आणि पुढचा डोसा चिकटत नाही.