Menopause Diet: रजोनिवृत्तीच्या काळात महिलांनी 'हे' पदार्थ खाल्लेच पाहिजेत...

Menopause Diet: पन्नाशीनंतर महिलांच्या आरोग्याच्या अनेक तक्रारी सुरू होतात. हार्मोन्सचं असंतुलन, हाडांचा ठिसूळपणा आणि थकवा जाणवतो. पण योग्य आहार घेतला तर या समस्या टाळता येतात. चला, पाहूया पन्नाशी ओलांडलेल्या महिलांनी आहारात काय घ्यायला हवं.

वयाची पन्नाशी आणि मेनोपॉज

वयाची पन्नाशी ओलांडल्यानंतर महिलांच्या शरीरात अनेक नैसर्गिक बदल होतात. विशेषतः मेनोपॉजमुळे (menopause) हार्मोन्समध्ये असंतुलन, हाडांची कमजोरी, हृदयाशी संबंधित समस्या आणि स्मरणशक्ती कमी होण्याचा धोका वाढतो. पण योग्य आहार घेतल्यास या समस्यांवर नियंत्रण मिळवता येतं. रोजच्या आहारात काही खास पदार्थांचा समावेश केल्यास तुम्ही निरोगी आणि उत्साही राहू शकता.

जवस

जवस हे महिलांसाठी एक सुपरफूड मानलं जातं. यातील पोषक तत्वं हार्मोन्स संतुलित ठेवण्यास मदत करतात. विशेषतः मेनोपॉजच्या काळात जाणवणारे हॉ* फ्लॅशेस (H*t Flashes) आणि हार्मोन्समधील चढ-उतार कमी करण्यात जवस महत्त्वाची भूमिका बजावते. रोज एक चमचा जवस खाल्ल्यास चांगला परिणाम दिसून येतो.

डाळिंब

या वयात डाळिंब खाणं खूप गरजेचं आहे. यात भरपूर अँटी-ऑक्सिडंट्स (anti-oxidants) असतात, जे हृदयाचं आरोग्य जपतात. डाळिंबामुळे रक्ताभिसरण सुधारतं आणि शरीरातील तारुण्य टिकवून ठेवणारे गुणधर्मही यात आहेत. त्यामुळे रोज एक डाळिंब किंवा त्याचा रस प्यायल्यास फायदा होतो.

अक्रोड

या वयात मेंदूच्या आरोग्यासाठी अक्रोड खूप फायदेशीर ठरतात. यामध्ये असलेले ओमेगा-३ फॅटी ॲसिड (Omega-3 fatty acids) मेंदूचं कार्य सुधारतात. स्मरणशक्ती कमी होऊ नये आणि मेंदू सक्रिय राहावा यासाठी अक्रोड मदत करतात. सोबतच, ते हृदयाचं आरोग्यही जपतात.

बदाम

बदामसुद्धा महिलांच्या आरोग्यासाठी खूप फायदेशीर आहेत. बदामामध्ये कॅल्शियम (Calcium) आणि व्हिटॅमिन ई (Vitamin E) यांसारखी महत्त्वाची पोषक तत्वं असतात. ही तत्वं हाडं मजबूत ठेवण्यास मदत करतात आणि मेंदूची कार्यक्षमताही सुधारतात. दररोज 4 ते 5 भिजवलेले बदाम खाल्ल्यास जास्त फायदा होतो.

पालक

पालकासारख्या पालेभाज्या पन्नाशीनंतर महिलांसाठी खूप आवश्यक आहेत. यामध्ये लोह (Iron) आणि कॅल्शियम (Calcium) भरपूर प्रमाणात असतं. पालक हाडांना बळकटी देतो आणि ॲनिमिया (रक्तक्षय) कमी करण्यासही मदत करतो. आठवड्यातून किमान 2 ते 3 वेळा आहारात पालकाचा समावेश करावा.