Maruti Brezza आता एकही रुपया न देता आणा घरी; मासिक EMI फक्त 16,000!

मुंबई - घरी मारुती सुझुकीची कार असावी असे जवळपास सर्व मिडल क्लास लोकांचे स्वप्न असते. पण प्रारंभिच मोठे डाऊन पेमेंट करावे लागते. त्यामुळे ईएमआय भरण्याची तयारी असतानाही कार विकत घेता येत नाही. या लोकांसाठी आता आकर्षक स्कीम आणण्यात आली आहे…  

मध्यमवर्गीय कुटुंबांसाठी सर्वोत्तम SUV

मारुती ब्रेझा २०२५ ही एक मिड-रेंज SUV असून तिचा आकर्षक लूक, चांगला मायलेज आणि प्रीमियम फीचर्स यामुळे ती विशेषतः मध्यमवर्गीय कुटुंबांमध्ये खूप लोकप्रिय ठरली आहे. या कारमध्ये उच्च दर्जाचे इंजिन, आरामदायक इंटीरियर आणि अत्याधुनिक फीचर्स देण्यात आले आहेत. ब्रेझा हे मॉडेल स्टायलिश डिझाइनसह उत्कृष्ट परफॉर्मन्स देते आणि अॅफोर्डेबल किमतीत प्रीमियम अनुभव देते.

शून्य डाउन पेमेंट

जर तुमचा सिबिल स्कोअर चांगला असेल, तर तुम्ही ही कार एक रुपयाही भरता खरेदी करू शकता. अनेक नामांकित बँका आणि वित्तीय संस्था शून्य डाउन पेमेंटवर कर्ज सुविधा देत आहेत. ‘कारदेखो’ वेबसाइटनुसार, ब्रेझाच्या LXI पेट्रोल व्हेरियंटची किंमत सुमारे ₹9.73 लाख आहे. शून्य डाउन पेमेंटचा लाभ घेतल्यास, ७ वर्षांच्या कालावधीसाठी दरमहा ₹१६,००० इतकी हप्त्याने ही कार सहज घेता येते. ही योजना मध्यमवर्गीय ग्राहकांसाठी खूपच फायदेशीर ठरू शकते.

फीचर्स कशी आहेत?

मारुती ब्रेझ्झा २०२५ मध्ये १.५ लिटर K सिरीज ड्युअल जेट पेट्रोल इंजिन देण्यात आले आहे, जे १०३ bhp पॉवर आणि १३७ Nm टॉर्क निर्माण करते. ही कार मॅन्युअल आणि ऑटोमॅटिक ट्रान्समिशन या दोन्ही पर्यायांमध्ये उपलब्ध आहे. मायलेजबाबत बोलायचे झाल्यास, पेट्रोल मॅन्युअल व्हेरियंट २०.१५ किमी प्रति लिटर, तर ऑटोमॅटिक व्हेरियंट १९.८ किमी प्रति लिटर मायलेज देते. तसेच, CNG व्हेरियंट ३४.५ किमी प्रति किलो मायलेज प्रदान करतो. हे मायलेज आकडे ब्रेझ्झा २०२५ ला इंधन कार्यक्षम आणि किफायतशीर SUV बनवतात.

वाह म्हणायला लावणारे इंटीरियर

मारुती ब्रेझ्झा २०२५ मध्ये अनेक अत्याधुनिक आणि प्रीमियम फीचर्स देण्यात आले आहेत, जे या SUV ला एक स्मार्ट आणि आरामदायक ड्रायव्हिंग अनुभव देतात. यामध्ये ९ इंचाचा स्मार्टप्ले प्रो टचस्क्रीन, वायरलेस अँड्रॉइड ऑटो आणि अॅपल कारप्लेची सुविधा आहे. याशिवाय, ऑटो क्लायमेट कंट्रोल, अँबियंट लाइटिंग, क्रूझ कंट्रोल, ३६० डिग्री कॅमेरा आणि हेड-अप डिस्प्ले यांसारखे फीचर्स देखील दिले गेले आहेत. ही सर्व वैशिष्ट्ये ब्रेझ्झा २०२५ ला तंत्रज्ञानाने समृद्ध आणि युजर-फ्रेंडली SUV बनवतात.

सुरक्षिततेच्या बाबतीतही उत्तम

मारुती ब्रेझ्झा २०२५ मध्ये सुरक्षेच्या दृष्टीने अनेक महत्त्वपूर्ण वैशिष्ट्ये देण्यात आली आहेत. या कारमध्ये ६ एअरबॅग्ज, इलेक्ट्रॉनिक स्टॅबिलिटी प्रोग्राम (ESP), हिल होल्ड असिस्टंट, आणि ISOFIX चाइल्ड सीट माउंट्स सारखी सुरक्षा प्रणाली दिली गेली आहे. रियर पार्किंग कॅमेरा आणि सेन्सरमुळे पार्किंग आणि ड्रायव्हिंग अधिक सुरक्षित आणि सोयीस्कर होते. किमतीबद्दल सांगायचे झाल्यास, ब्रेझ्झाच्या बेस व्हेरियंटची किंमत ₹८.२९ लाखांपासून सुरू होते, तर टॉप व्हेरियंटची किंमत ₹१३.९९ लाखांपर्यंत जाते. त्यामुळे ही SUV वेगवेगळ्या बजेटमध्ये खरेदीदारांसाठी योग्य पर्याय ठरते.