Jackfruit Recipe : फणसाची झणझणीत भाजी करताना ट्राय करा या 4 ट्रिक्स, तोंडाला सुटेल पाणी

Jackfruit Bhaji : फणसाची चविष्ट भाजी कशी करायची याबद्दलच्या चार सोप्या टिप्स आणि ट्रिक्स जाणून घेऊया.

Jackfruit Bhaji recipe : उन्हाळा आणि पावसाळ्यात फणसाची भाजी खूप विकली जाते. जर तुम्ही फणस इतर भाज्यांसारखेच बनवत असाल तर त्याची चव काही खास लागत नाही. शेफ पंकज भदौरिया यांनी फणसाची भाजी बनवण्यासाठी ३ ट्रिक्स शेअर केल्या आहेत. जर तुम्ही या ट्रिक्सचा वापर करून कटहल बनवलात तर नॉनव्हेजपेक्षा ही भाजी नक्की आवडेल. जाणून घेऊया फणसाची भाजी तयार करताना कोणत्या टिप्स लक्षात ठेवाव्यात. 

१. फणसाला एक शिट्टी येईपर्यंत उकळा

फणस कापल्यानंतर प्रेशर कुकरमध्ये एक शिट्टी येईपर्यंत उकळा. उकडलेल्या फसणापासून भाजी तयार करणे सोपे होते पण चवही वाढली जाते. 

२. भाजलेला कांदा वापरा

फणसाची भाजी बनवण्यासाठी तुम्हाला वाटलेला कांदा वापरण्याची गरज नाही. तुम्ही कांदा लांब कापा आणि तेलात भाजून कॅरमलाइज्ड करा. आता हा भाजलेला कांदा दह्यासोबत मॅरीनेट करतानाही घाला. अर्धा उरलेला भाजलेला कांदा फणसाच्या रस्स्यातही घालू शकता.

३. फणस दह्यासोबत मॅरीनेट करा

फणस उकडल्यानंतर तो दह्यासोबत मॅरीनेट करा. असे केल्याने फणसाच्या भाजीला जबरदस्त चव येते. दह्यात एक मोठा चमचा आले-लसूण पेस्ट, एक मोठा चमचा काश्मिरी लाल मिरची पावडर, चिरलेली हिरवी मिरची, मांस मसाला आणि ½ कप भाजलेला कांदा मिसळा. नंतर उकडलेला फणस १० मिनिटे दह्यात मॅरीनेट करा. असे केल्याने फणसाचा फिकटपणा दूर होईल आणि चव वाढेल.

४. लोखंडी कढईत भाजी बनवा

फणस मॅरीनेट केल्यानंतर जेव्हा कढईत भाजी बनवाल तेव्हा स्टीलऐवजी लोखंडी कढईचा वापर करा. फणसाची भाजी बनवण्यासाठी मोहरीचे तेल घातल्यास त्याची चव दुप्पट होईल. भाजी बनवताना गरम पाण्याचा वापर करा जेणेकरून भाजीची चव टिकून राहील.