Home Tips: उन्हाळा आला की तापमानाचा पारा चढतो. बाहेरची गरमी सहन करणं तर अवघडच, काही घरांमध्ये तर दुपारी बसणंही मुश्किल होतं. अशावेळी काही सोप्या टिप्स वापरून तुम्ही घर नैसर्गिकरित्या थंड ठेवू शकता. जाणून घेऊयात याबद्दल अधिक….
उन्हाळ्यात फक्त बाहेरच नाही, तर घरात राहणंही कठीण होऊन बसतं. दुपारच्या वेळी तर काही घरांमध्ये प्रचंड गरम होतं. ज्यांच्याकडे एसी किंवा कूलर आहे त्यांना थोडा दिलासा मिळतो, पण ज्यांच्याकडे नाही, त्यांची मोठी अडचण होते. पण एकही पैसा खर्च न करता नैसर्गिक उपायांनी घर थंड ठेवण्याच्या काही सोप्या टिप्स आहेत. चला पाहूया.
26
खिडक्या आणि दारं...
उन्हाळ्यात सकाळी आणि संध्याकाळी काही वेळ घराच्या खिडक्या आणि दारं उघडी ठेवा. सकाळची हवा थंड असते, तेव्हा खिडक्या उघडल्यास घरातली गरम हवा बाहेर जाते. तसंच, सूर्यास्तानंतरही थोडा वेळ दारं उघडी ठेवल्यास घरातलं वातावरण थंड होतं. पण दुपारच्या वेळी बाहेरची गरम हवा आत येऊ नये म्हणून खिडक्या बंद ठेवणं महत्त्वाचं आहे.
36
झाडं लावा
झाडं नैसर्गिकरित्या वातावरण थंड ठेवण्यास मदत करतात. बाल्कनी, खिडकीजवळ किंवा घरासमोर छोटी-छोटी रोपं लावल्यास हवेत थोडा ओलावा टिकून राहतो आणि थंडावा जाणवतो. विशेषतः तुळस, मनी प्लांट, कोरफड यांसारखी रोपं घरातील वातावरण सुधारतात. झाडं कार्बन डायऑक्साइड शोषून ऑक्सिजन सोडतात, त्यामुळे घरातील हवेची गुणवत्ताही सुधारते.
घरात थेट सूर्यप्रकाश येणार नाही याची काळजी घ्या. खिडक्यांना जाड किंवा हलक्या रंगाचे पडदे लावल्यास घरात येणारी उष्णता बऱ्याच प्रमाणात कमी होते. काही घरांमध्ये खिडक्यांच्या बाहेरच्या बाजूला गवताच्या किंवा बांबूच्या चटया लावतात. यामुळेही बाहेरची उष्णता कमी होते. त्याचप्रमाणे, घराच्या छतावर जिथे जास्त ऊन लागतं, तिथे पांढरा रंग दिल्यासही घरातला उकाडा कमी होतो.
56
पाणी शिंपडणे...
पूर्वीच्या काळी अनेकजण घरासमोर किंवा अंगणात पाणी शिंपडून थंडावा मिळवायचे. ही पद्धत आजही खूप उपयोगी आहे. घरासमोर किंवा टेरेसवर पाणी शिंपडल्यामुळे आजूबाजूचं वातावरण थंड होतं. तसेच, काही घरांमध्ये खिडक्यांना ओले कपडे किंवा ओल्या चटया लटकवल्या जातात, त्यामुळे येणारी हवा थंडगार होते.
66
इलेक्ट्रॉनिक वस्तूंचा वापर
टेलिव्हिजन, कॉम्प्युटर, लाइट्स आणि किचनमधील काही उपकरणं उष्णता निर्माण करतात. यांचा जास्त वेळ वापर केल्यास घरातील तापमान वाढू शकतं. त्यामुळे गरज नसताना लाइट्स किंवा इतर उपकरणं बंद करणं चांगलं. विशेषतः दुपारी स्वयंपाक करताना किचनच्या खिडक्या उघड्या ठेवा, जेणेकरून गरम हवा बाहेर जाईल.
