High Protein Diet : शरीरात प्रोटीन जास्त झाल्यावर काय होतं? जाणून घ्या लक्षणं

शरीर व्यवस्थित चालण्यासाठी प्रोटीन खूप महत्त्वाचं असतं. पण ते योग्य प्रमाणातच खाल्लं पाहिजे. शरीरात प्रोटीनचं प्रमाण वाढलं, तर शरीराचा समतोल बिघडतो. एवढंच नाही, तर यामुळे आरोग्याच्या गंभीर समस्याही निर्माण होऊ शकतात. रोज किती प्रोटीन खावं? जाणून घ्या

प्रोटीन जास्त झालं तर.....?

आपलं शरीर व्यवस्थित चालण्यासाठी प्रोटीन खूप गरजेचं आहे. पण ते योग्य प्रमाणातच असायला हवं. शरीरात प्रोटीन जास्त झालं, तर शरीराचा समतोल बिघडतो आणि अनेक गंभीर आजार होऊ शकतात.

किडनीवर खूप ताण

शरीरात प्रोटीनचं प्रमाण वाढतं, तेव्हा ते लघवीवाटे बाहेर काढण्यासाठी किडनीला जास्त काम करावं लागतं. यामुळे किडनीवर खूप ताण पडतो. तसंच, यामुळे शरीरातील पाण्याची पातळी कमी होऊन डिहायड्रेशनचा त्रासही होऊ शकतो.

'कीटोन्स' नावाचं रसायन

शरीर जेव्हा प्रोटीन पचवतं, तेव्हा अमोनिया तयार होतो. यामुळे तोंडाला दुर्गंधी येते. विशेषतः जेव्हा तुम्ही कार्बोहायड्रेट्स कमी खाता, तेव्हा शरीर चरबी जाळायला सुरुवात करतं. यावेळी 'कीटोन्स' नावाचं रसायन तयार होतं आणि त्यामुळे तोंडातून वास येतो.

खूप तहान लागते

जास्त प्रोटीन असलेला आहार खाल्ल्यावर सतत पाणी प्यावंसं वाटतं. अतिरिक्त प्रोटीन पचवण्यासाठी शरीर लघवीवाटे युरिया बाहेर टाकतं. या प्रक्रियेत शरीर जास्त पाणी वापरतं, त्यामुळे तुम्हाला खूप तहान लागते.

बद्धकोष्ठतेचा त्रास

हाय प्रोटीन डाएटमध्ये फायबरचं (चोथा) प्रमाण खूप कमी असतं. यामुळे आतड्यांचं आरोग्य बिघडतं आणि पोट फुगणे, गॅस तसंच बद्धकोष्ठतेचा त्रास सुरू होतो. जे लोक कार्बोहायड्रेट्स कमी आणि प्रोटीन जास्त खातात, त्यांच्यात ही समस्या हमखास दिसते.

किडनीवर ताण वाढतो

अतिरिक्त प्रोटीनमुळे किडनीवर कामाचा ताण वाढतो. तुम्हाला आधीच किडनीचा काही आजार असेल, तर परिस्थिती आणखी बिघडू शकते. शरीरातील अतिरिक्त नायट्रोजन बाहेर काढण्यासाठी किडनीला खूप कष्ट करावे लागतात. यावर नियंत्रण ठेवलं नाही, तर किडनी पूर्णपणे निकामी होऊ शकते.

वजन वाढण्याची शक्यता

गरजेपेक्षा जास्त प्रोटीन खाल्ल्यास वजन वाढतं. सुरुवातीचे काही दिवस वजन कमी व्हायला याची मदत होऊ शकते. पण, एका ताज्या संशोधनानुसार, जास्त प्रोटीन खाणाऱ्या लोकांमध्ये वजन वाढण्याची शक्यता ९० टक्क्यांनी जास्त असते.