Cancer Causing Foods : कॅन्सरचा धोका वाढवतात हे 6 पदार्थ, आजच आहारातून करा हद्दपार

जगभरात मृत्यूचं सर्वात मोठं कारण म्हणजे कॅन्सर. पण तुम्हाला माहितीये का, आपल्या रोजच्या खाण्यापिण्याच्या सवयींमुळेही या जीवघेण्या आजाराचा धोका वाढू शकतो.

कॅन्सरचा धोका वाढवणारे पदार्थ

जगभरात कॅन्सरमुळे लाखो लोकांचा मृत्यू होतो. आपण रोज जे काही खातो, त्याचा थेट परिणाम आपल्या आरोग्यावर होतो. काही विशिष्ट पदार्थ सतत आणि जास्त काळ खाल्ल्याने डीएनए खराब होऊ शकतो. तसंच शरीरात सूज येणं किंवा लठ्ठपणा वाढल्याने कॅन्सरचा धोका कैकपटीने वाढतो. कॅन्सरला निमंत्रण देणारे हे पदार्थ कोणते?

बेकन, हॉट डॉग आणि सलामीसारखे पदार्थ कॅन्सरला कारणीभूत ठरतात

जागतिक आरोग्य संघटनेने (WHO) बेकन, हॉट डॉग आणि सलामी यांसारख्या पदार्थांना 'ग्रुप १ कार्सिनोजेन्स' (कॅन्सरला कारणीभूत) या श्रेणीत ठेवलंय. हे पदार्थ जास्त काळ टिकवण्यासाठी यामध्ये नायट्रेट्स आणि नायट्राइट्सचा वापर करतात. हे पदार्थ जास्त खाल्ल्याने आतड्यांचा आणि पोटाचा कॅन्सर होण्याचा धोका खूप जास्त असतो.

पुन्हा पुन्हा वापरलेलं तेल कॅन्सरचा धोका वाढवतं

चिप्स आणि फ्रेंच फ्राईजसारखे स्टार्चयुक्त पदार्थ खूप जास्त तापमानावर तळले जातात, तेव्हा त्यातून 'अॅक्रिलामाइड' नावाचं रसायन तयार होतं. तसंच, एकदा वापरलेलं तेल पुन्हा पुन्हा गरम करून वापरल्याने त्यात विषारी घटक जमा होतात. हे विषारी घटक कॅन्सरला थेट आमंत्रण देतात.

बीफ, पोर्क आणि मटण यांसारख्या पदार्थांमुळे कॅन्सर होऊ शकतो

बीफ, पोर्क आणि मटण यांसारख्या रेड मीटमुळे कॅन्सर होऊ शकतो, असं तज्ज्ञ सांगतात. हे पदार्थ जास्त प्रमाणात खाल्ल्याने आतड्यांच्या कॅन्सरचा (colorectal cancer) धोका वाढतो. रेड मीट खूप जास्त तापमानावर शिजवताना किंवा थेट आगीवर भाजताना त्यातून 'हेटेरोसायक्लिक अमाइन्स' (HCAs) आणि 'पॉलीसायक्लिक अरोमॅटिक हायड्रोकार्बन्स' (PAHs) सारखी कॅन्सरला कारणीभूत ठरणारी रसायने तयार होतात.

थोड्या प्रमाणात दारू प्यायल्यानेही कॅन्सरचा धोका वाढतो

दारू किंवा मद्यपान हे 'ग्रुप १ कार्सिनोजेन' आहे. यामुळे तोंड, घसा, स्तन, यकृत आणि आतड्यांच्या कॅन्सरसह किमान सात प्रकारच्या कॅन्सरचा धोका असतो. तुम्ही अगदी थोड्या प्रमाणात जरी दारू पीत असाल, तरीही तुम्हाला कॅन्सर होण्याचा धोका वाढतो.

फास्ट फूड, साखरेचे प्रमाण जास्त असलेले तृणधान्य आणि रेडी-टू-ईट पदार्थ

पॅकेटबंद स्नॅक्स, फास्ट फूड, साखरेचे प्रमाण जास्त असलेले तृणधान्य आणि रेडी-टू-ईट पदार्थांमध्ये फायबर आणि पोषक तत्वांची खूप कमतरता असते. हे पदार्थ खाल्ल्याने रक्तातील साखरेची पातळी वेगाने वाढते. यामुळे शरीरात सूज येते आणि लठ्ठपणा वाढतो, जे अनेक प्रकारच्या कॅन्सरचं मुख्य कारण ठरतं.

सोडा, गोड कोल्ड्रिंक्स आणि रिफाइंड साखर थेट कॅन्सरला कारणीभूत ठरू शकतात

सोडा, गोड कोल्ड्रिंक्स आणि रिफाइंड साखर यांमुळे थेट कॅन्सर होत नाही. पण हे पदार्थ प्यायल्याने वजन वेगाने वाढतं आणि इन्सुलिनची पातळी अचानक वर-खाली होते. यामुळे शरीरात सूज येते आणि कॅन्सरच्या पेशी वाढण्यासाठी अगदी पोषक वातावरण तयार होतं.