सॅंडविच हेल्दी बनवण्याचे सोपे उपाय; शरीराला होईल फायदा व सॅंडविचचा वाढेल स्वाद

अनेक लोक विचार करतात की दोन सुक्या ब्रेडच्या तुकड्यांमुळे वजन कसे वाढू शकते? पोषण तज्ज्ञ सांगतात की सगळा दोष ब्रेडचा नाही. पण काही सोप्या पद्धतींनी या सँडविचला आरोग्यदायी बनवता येते.

सॅंडविच का होतं अनहेल्दी?

मुलांचं आवडतं सॅंडविच अनहेल्दी होण्यासाठी काही गोष्टी कारणीभूत ठरतात. सॅंडविच स्वादिष्ट बनवण्यासाठी लोक जास्त प्रमाणात टोमॅटो सॉस, मायोनीज, चीज यांचा वापर करतात. जर तुम्हाला मुलांना हेल्दी सॅंडविच खायला द्यायचं असेल, तर सॅंडविच बनवण्याच्या पद्धतीत काही बदल करावे लागतील. असं केल्याने शरीराला फायदा होईल आणि सॅंडविचचा स्वादही वाढेल.

आणखी वाचा- सर्दी-खोकला एका दिवसात होईल गायब, करा हे 3 रामबाण उपाय

सॅंडविचला हेल्दी बनवण्यासाठी टिप्स:

• मैद्याऐवजी होलग्रेन, मल्टीग्रेन किंवा गव्हाच्या पिठापासून बनवलेल्या ब्रेडचा वापर करा.

• या ब्रेडमध्ये फायबर, व्हिटॅमिन्स आणि खनिज पदार्थ भरपूर प्रमाणात असतात.

• याशिवाय, अशा ब्रेडचा ग्लायसेमिक इंडेक्स कमी असतो. त्यामुळे अशा ब्रेडचं सेवन केल्याने रक्तातील साखर पटकन वाढत नाही आणि पोटही दीर्घकाळ भरलेलं राहतं.

सॅंडविच फिलिंग म्हणून हॅम, बेकन, सॅलामी, सॉसेज किंवा चीजऐवजी ग्रिल्ड चिकन, उकडलेले अंडे, पनीर, उकडलेले चणे किंवा अवोकाडो वापरू शकता.

दुसरीकडे, दोन ब्रेडच्या स्लाइसच्या दरम्यान चीज स्लाइसऐवजी पालक, लेट्यूस, टोमॅटो, काकडी किंवा बेल पेपर ठेवू शकता. यामुळे अन्नाचा स्वादही चांगला होईल आणि आरोग्याचीही काळजी घेतली जाईल.

आणखी वाचा- तिळाचे लाडू बनवण्यात तुम्हाला अडचण येत आहे का?, आजीच्या या 5 टिप्स पडतील उपयोगी

सॅंडविचमध्ये लोणी, मायोनीज किंवा स्प्रेड यांचा वापर केल्यास शरीरात अस्वास्थ्यकर फॅट आणि कॅलरीचे प्रमाण वाढते. याऐवजी ब्रेडवर ग्रीक योगर्ट किंवा मॅश केलेला अवोकाडो लावल्यास स्वाद आणि आरोग्य दोन्ही टिकवता येते.

चीजमध्ये कॅलरी आणि सॅच्युरेटेड फॅटचे प्रमाण जास्त असते. मात्र, चीजच्या वेगवेगळ्या प्रकारांमध्ये सॅच्युरेटेड फॅट आणि कॅलरी कमी असणारे प्रकार असतात. म्हणून चीज खरेदी करताना काळजीपूर्वक निवड करणे गरजेचे आहे.