Egg Boiling: आता अंडं सोलण्याची कटकट नाही, न फोडता उकडण्याच्या या आहेत सोप्या टिप्स!

अंडं उकडणं सोपं वाटत असलं तरी, त्याची सालं काढणं म्हणजे एक मोठं काम. अनेकदा अंडं फुटतं किंवा नीट सोलता येत नाही. चला, अंडं न फुटता आणि सहजपणे सोलण्याच्या काही हटके टिप्स जाणून घेऊया.

Unique Egg Boil Tips: अंडं उकडणं खूप सोपं काम आहे, पण उकडल्यानंतर त्याची सालं काढणं खूप अवघड होऊन बसतं. अंडं व्यवस्थित सोलता येत नाही. अशावेळी, आम्ही तुम्हाला एक अशी युनिक पद्धत सांगणार आहोत, ज्यामुळे तुम्ही सालं न काढताच अंडं उकडू शकता...

अंडं उकडण्याची युनिक पद्धत

तुम्ही अंडी उकडण्यासाठी इडली स्टीमरचा वापर करू शकता. यासाठी स्टीमरमध्ये पाणी भरा. इडलीच्या प्लेटला थोडं तेल लावून त्यात १-२ अंडी फोडून टाका आणि १० मिनिटं वाफेवर शिजवून घ्या. तुमचं अंडं मस्त हार्ड बॉईल होईल आणि सहजपणे निघेल सुद्धा.

प्लेटमध्ये अंडं उकडण्याची पद्धत

तुम्ही प्लेटमध्येही अंडं उकडू शकता. कढईत पाणी भरून त्यावर वाफेसाठी एक प्लेट ठेवा. त्याला थोडं तेल लावा आणि त्यात ८-१० अंडी फोडून घाला. झाकण ठेवून वाफेवर शिजू द्या. अंडी हार्ड बॉईल झाल्यावर, चाकूने त्याचे तुकडे करून तुम्ही उकडलेल्या अंड्यांचा वापर करू शकता.

अंडं उकडण्यासाठी लिंबाचा वापर करा

अंडी उकडण्याच्या पाण्यात थोडा लिंबाचा रस टाकला, तर त्याची सालं लवकर निघतात आणि अंड्याचा वासही कमी होतो.

'आईस बाथ' ट्रिकचा वापर करा

अंड्याची सालं काढण्यासाठी 'आईस बाथ' ही एक प्रभावी पद्धत आहे. तुम्ही अंडी नेहमीप्रमाणे उकडल्यानंतर ती लगेच बर्फाच्या थंड पाण्यात टाका. यामुळे सालं खूप लवकर आणि स्वच्छ निघतात.

अंडं उकडण्याची योग्य वेळ

जर तुम्हाला सॉफ्ट बॉईल अंडं हवं असेल, ज्यामध्ये आतला पिवळा भाग ग्रेव्हीसारखा असेल, तर अंडं फक्त ६ ते ७ मिनिटंच उकडा किंवा वाफवून घ्या. मीडियम हार्ड बॉईल अंड्यासाठी ८ ते ९ मिनिटं आणि हार्ड बॉईल अंड्यासाठी १० ते १२ मिनिटं शिजवा.