किडनी निकामी होण्याची ही लक्षणं ओळखा, वेळेत लक्ष दिलं नाही तर होऊ शकतो धोका!

किडनी हा मानवी शरीरातील कचरा बाहेर टाकणारा एक महत्त्वाचा अवयव आहे. अनेक कारणांमुळे किडनी खराब होऊ शकते. किडनी खराब होण्याची काही सुरुवातीची लक्षणे कोणती आहेत, ते जाणून घेऊया.

किडनी खराब होण्याची लक्षणं; दुर्लक्ष करू नका

किडनी खराब होण्याची काही लक्षणे कोणती आहेत ते पाहूया.

हात-पायांवर सूज येणे

किडनीचे कार्य मंदावल्यामुळे कधीकधी पायांवर, हातांवर, डोळ्यांखाली आणि चेहऱ्यावर सूज येण्याची शक्यता असते.

लघवी करण्याच्या सवयीत बदल

रात्री वारंवार लघवीला जाणे, लघवीचे प्रमाण कमी होणे, लघवीचा रंग गडद होणे ही सर्व किडनी खराब होण्याची लक्षणे असू शकतात.

कोरडी आणि खाज सुटणारी त्वचा

किडनी खराब झाल्यामुळे शरीरातील विषारी पदार्थ आणि क्षार रक्तात जमा होतात. यामुळे त्वचा कोरडी पडते आणि खाज सुटते.

थकवा आणि अशक्तपणा जाणवणे

थकवा आणि अशक्तपणा अनेक कारणांमुळे येऊ शकतो. पण किडनीच्या समस्येमुळेही थकवा आणि अशक्तपणा जाणवू शकतो.

धाप लागणे आणि पाठदुखी

काहीवेळा, धाप लागणे हे किडनीच्या समस्येशी संबंधित असू शकते. पाठ आणि पोटाच्या खालच्या बाजूला दुखणे हे देखील किडनी खराब झाल्याचे लक्षण असू शकते.

वजन वाढणे आणि उलट्या होणे

अचानक वजन वाढणे, तसेच उलट्या होणे हे देखील किडनी खराब झाल्याचे लक्षण असू शकते.

हे लक्षात ठेवा:

वर नमूद केलेली लक्षणे दिसल्यास, स्वतः निदान न करता डॉक्टरांचा सल्ला घ्या. त्यानंतरच आजाराची खात्री करा.