Creative DIY Projects: घरातल्या जुन्या CDs चा वापर करून भिंतीची सजावट, गार्डन हँगिंग, DIY कोस्टर आणि मुलांसाठी क्राफ्ट अशा जबरदस्त गोष्टी बनवता येतात. घर सजवण्याचे आणि टाकाऊ वस्तूंना पुन्हा वापरण्याचे सोपे आणि क्रिएटिव्ह मार्ग जाणून घ्या.
घरात पडलेल्या जुन्या CDs आपण अनेकदा निरुपयोगी समजून फेकून देतो. पण थोडी कल्पकता वापरली तर याच CDs पासून घरासाठी सुंदर सजावटीच्या आणि उपयोगी वस्तू बनवता येतात. या CDs ची चमकदार बाजू फक्त सजावटीसाठीच नाही, तर कबुतरं पळवण्यासाठी आणि DIY क्राफ्टसाठीही खूप उपयोगी ठरते. तुमच्या घरीही जुन्या CDs चा ढीग पडला असेल, तर त्या फेकून देण्याआधी या ५ भन्नाट आयडिया नक्की ट्राय करा.
26
पक्ष्यांना दूर ठेवण्यासाठी
जुन्या CDs वर सूर्यप्रकाश पडल्यावर त्यांची चमक परावर्तित होते, ज्यामुळे कबुतरं आणि इतर पक्षी दूर राहतात. यासाठी काही CDs धाग्यात बांधून बाल्कनी, खिडकी किंवा गच्चीवर लटकवा. वाऱ्यामुळे जेव्हा या CDs फिरतात, तेव्हा त्यांची चमक पक्ष्यांना त्रासदायक वाटते. हा उपाय स्वस्त, सोपा आणि पर्यावरणपूरक आहे.
36
मोझॅक आर्ट
तुम्हाला तुमच्या खोलीला मॉडर्न आणि स्टायलिश लुक द्यायचा असेल, तर जुन्या CDs पासून भिंतीसाठी आकर्षक सजावट तयार करू शकता. CDs चे लहान-लहान तुकडे कापून ते एखाद्या कार्डबोर्ड, फोटो फ्रेम किंवा जुन्या आरशावर चिकटवा. यातून एक सुंदर मोझॅक आर्ट तयार होईल, ज्यामुळे खोलीला चमकदार आणि युनिक लुक मिळेल.
जुन्या CDs चा वापर तुम्ही गार्डनच्या सजावटीसाठीही करू शकता. या CDs रंगीबेरंगी पेंट, खडे किंवा ग्लिटरने सजवून झाडांजवळ किंवा कुंड्यांच्या जवळ लटकवा. ऊन पडल्यावर त्यांची चमक तुमच्या गार्डनला खूप आकर्षक बनवेल. तुम्ही CDs वर पेंटिंग करून त्यांना विंड चाइमसारखा लुकसुद्धा देऊ शकता.
56
सुंदर कोस्टर
जुन्या CDs ना कापड, जूट किंवा रंगीत कागदाने कव्हर करून सुंदर कोस्टर बनवता येतात. चहा किंवा कॉफीचे मग ठेवण्यासाठी याचा वापर करा. याशिवाय, CDs वर फॅब्रिक किंवा मंडला आर्ट करून टेबल डेकोरेशन पीससुद्धा तयार करता येतात. या उपायामुळे घराला एक क्रिएटिव्ह आणि हँडमेड टच मिळतो.
66
कार्टून फेस, पेंटिंग आर्ट, ड्रीम कॅचर किंवा हँगिंग डेकोर बनवा
जुन्या CDs मुलांसाठी एक उत्तम DIY क्राफ्ट मटेरियल ठरू शकतात. यापासून कार्टून फेस, पेंटिंग आर्ट, ड्रीम कॅचर किंवा हँगिंग डेकोर बनवता येते. मुलांना अशा अॅक्टिव्हिटीमध्ये सामील केल्याने त्यांची कल्पनाशक्ती वाढते आणि टाकाऊ वस्तूंना पुन्हा वापरण्याची सवयही लागते.
