Rakhi Color : लाल की पिवळी? भावाची रास न ओळखता राखी घेऊ नका, जाणून घ्या कोणत्या रंगाने उघडेल नशिबाचे दार

रक्षाबंधन अवघ्या काही दिवसांवर आलं आहे. भावाच्या मंगलासाठी बहिणी राखी बांधतात. पण तुम्हाला माहित आहे का, की राशीनुसार योग्य रंगाची राखी निवडल्यास भावाच्या आयुष्यात सौभाग्य, यश आणि सुरक्षा अनेक पटींनी वाढते? ज्योतिषशास्त्रानुसार, प्रत्येक राशीसाठी एक विशिष्ट शुभ रंग असतो.

मुंबई : रक्षाबंधन हा सण लवकरच येत आहे. या वर्षी रक्षाबंधन शुक्रवार, २८ ऑगस्ट रोजी साजरा केला जाईल. भाऊ-बहिणीच्या पवित्र प्रेमाच्या या दिवसाची सर्वजण आतुरतेने वाट पाहत असतात. बहिणी भावाच्या हातावर राखी बांधून त्याच्या दीर्घायुष्यासाठी आणि यशासाठी प्रार्थना करतात. पण बाजारात उपलब्ध असलेल्या निरनिराळ्या राख्यांच्या गर्दीत भावासाठी कोणती राखी सर्वात शुभ आहे, याबद्दल अनेक जण संभ्रमात पडतात.

ज्योतिषशास्त्रानुसार, राशीनुसार राखीचा रंग निवडल्यास त्याचा शुभ प्रभाव अनेक पटींनी वाढतो. योग्य रंगाची राखी भावाच्या आयुष्यातून नकारात्मक ऊर्जा दूर करून सौभाग्य घेऊन येते.

राशीनुसार कोणत्या रंगाची राखी शुभ?

मेष आणि वृश्चिक रास: या दोन्ही राशींचा स्वामी मंगळ आहे. त्यामुळे त्यांच्यासाठी लाल रंगाची राखी सर्वात शुभ मानली जाते. लाल रंग धैर्य आणि शक्ती वाढवतो.

वृषभ आणि तूळ रास: या राशींचा स्वामी शुक्र आहे. त्यामुळे पांढऱ्या, चंदेरी किंवा गुलाबी रंगाची राखी त्यांच्यासाठी सौभाग्य घेऊन येईल. हे रंग जीवनात सुख आणि समृद्धी वाढवतात.

मिथुन आणि कन्या रास: या राशींचा स्वामी बुध आहे. या राशीच्या भावांसाठी हिरव्या रंगाची राखी अत्यंत शुभ आहे. हिरवा रंग बुद्धी आणि व्यवसायात प्रगती देतो.

कर्क रास: या राशीचा स्वामी चंद्र आहे. पांढऱ्या किंवा क्रीम रंगाची राखी कर्क राशीसाठी आदर्श आहे. यामुळे मानसिक शांती आणि स्थिरता मिळते.

सिंह रास: या राशीचा स्वामी सूर्य आहे. सिंह राशीसाठी नारंगी, लाल किंवा सोनेरी रंगाची राखी सर्वोत्तम आहे. हा रंग सन्मान आणि नेतृत्व क्षमता वाढवतो.

धनु आणि मीन रास: या राशींचा स्वामी बृहस्पती आहे. पिवळ्या किंवा केशरी रंगाची राखी या दोन्ही राशींसाठी परम भाग्यशाली ठरते. पिवळा रंग ज्ञान आणि यशाचे प्रतीक आहे.

मकर आणि कुंभ रास: या राशींचा स्वामी शनी आहे. या दोन्ही राशींसाठी निळ्या किंवा गडद निळ्या रंगाची राखी शुभ आहे. निळा रंग शनीच्या अशुभ प्रभावापासून संरक्षण करतो आणि कामात यश देतो.

ज्योतिष तज्ज्ञांच्या मते, राखी बांधताना भावाला पूर्वेकडे तोंड करून बसण्यास सांगा आणि या शुभ रंगांची राखी बांधा. यामुळे भाऊ-बहिणीचे नाते अधिक घट्ट होईल आणि भावाच्या जीवनात सकारात्मक बदल घडून येतील.