Akshaya Tritiya 2025 : अक्षय्य तृतीयेला करा हे उपाय, घरात येईल सुख-समृद्धी

अक्षय्य तृतीयेला हिंदू धर्मात फार महत्व आहे. या दिवशी देवी लक्ष्मी आणि भगवान विष्णूचींची पूजा केली जाते. हिंदू पंचांगानुसार, यंदा अक्षय्य तृतीयेचा सण 30 एप्रिलला साजरा केला जाणार आहे. या दिवशी काही खास उपाय केल्याने घरात सुख-समृद्धी नक्कीच येईल.

अक्षय्य तृतीयेचा सण

वैशाख शुक्ल पक्षातील तृतीयेच्या तिथीला अक्षय्य तृतीया साजरी केली जाते. हिंदू धर्मात अक्षय्य तृतीयेचा सण साडेतीन शुभ मुहूर्तांपैकी एक असून या दिवशी कोणतेही शुभ कार्य केल्याने त्याचे फळं मिळते. या दिवशी बहुतांशजण सोनं-चांदीची ज्वेलरी खरेदी करतात. याशिवाय अक्षय्य तृतीयेला नव्या कामांचा शुभारंभ जसे की, विवाह, मुंडन, लग्नसोहळा करणे शुभ मानले जाते.

यंदा अक्षय्य तृतीया कधी?

यंदा अक्षय्य तृतीयेचा सण 30 एप्रिलला साजरा केला जाणार आहे. या दिवशी विशेष पूजाही केली जाते. कारण धार्मिक मान्यतेनुसार, अक्षय्य तृतीयेच्या दिवशी केलेले दान कधीच निष्फळ होत नाही. उलट पुण्य लाभते. देवी लक्ष्मीचे आशीर्वाद मिळतात. जाणून घेऊया अक्षय्य तृतीयेच्या सणावेळी कोणते खास उपाय करू शकता हे जाणून घेऊया.

लक्ष्मी चरण पादुका

अक्षय्य तृतीयेच्या दिवशी खरेदी केली जाते. खासकरुन सोनं-चांदीच्या दागिन्यांची खरेदी केली जाते. अशी मान्यता आहे की, या तिथीवेळी सोने-चांदी खरेदी केल्याने लाभ होते. याशिवाय तुम्ही खरेदी केलेल्या गोष्टी अक्षय्य होतात. अशातच अक्षय्य तृतीयेला लक्ष्मीच्या पादुका खरेदी करू शकता. यामुळे घरात भरभराट होईल.

12 दानाचे महत्व

अक्षय्य तृतीयेला खरेदी करण्यासह दानधर्मही करू शकता. या दिवशी 12 प्रकारच्या दानाचे महत्व आहे. यावेळी गौ, भूमी, तीळ, तूप, वस्र, धान्य, गूळ, चांदी, मीठ, मध, सोन आणि कन्यादान करू शकता. या सर्वांमध्ये कन्यादान सर्वाधिक महत्वाचे आहे.

आनंदी वैवाहिक आयुष्यासाठी

अक्षय्य तृतीयेचा श्रीहरी आणि देवी लक्ष्मीची एकत्रित पूजा करा. यामुळे वैवाहिक आयुष्य आनंदी होते. याशिवाय गणपतीची पूजाही करू शकता.

शंख खरेदी करा

अक्षय्य तृतीयेच्या दिवशी देवी लक्ष्मीसंबंधित काही गोष्टी खरेदी करणे शुभ मानले जाते. या दिवशी शंख खरेदी करू शकता. संध्याकाळी देवी लक्ष्मी, कुबेर आणि शंखाची पूजा करा. यानंतर शंख लाल कापडात बांधून तिजोरीमध्ये ठेवा. हा उपाय केल्यने घरात देवी लक्ष्मीचा वास राहिल. आयुष्यात सुख-समृद्धी येईल.

आर्थिक लाभासाठी

आर्थिक चणचणींचा सामना करत असाल तर अक्षय्य तृतीयेच्या शुभ दिनी केशर आणि हळदीने देवी लक्ष्मीची पूजा करा. यामुळे पैशांची अडचण दूर होईल.

(DISCLAIMER : लेखाद्वारे वाचकांपर्यंत केवळ माहिती पोहोचवण्याचा प्रयत्न करत आहोत. याबाबत Asianet News Marathi कोणताही दावा व समर्थन करत नाही. यासाठी संबंधित क्षेत्रातील तज्ज्ञांचा सल्ला घ्यावा.)