गॅस लीक झाला? घराच्या सुरक्षिततेसाठी हे ६ उपाय त्वरित करा, प्राण वाचवा!

Kitchen Gas Leak Safety: गॅस शेगडीचा वापर वाढल्याने अपघातही वाढत आहेत. ती योग्यप्रकारे न वापरल्यास अपघात होऊ शकतात. किचनमध्ये गॅस गळती झाल्यास तुम्ही तातडीने काय करायला हवं, हे जाणून घेऊया.

रेग्युलेटर बंद करा

गॅस गळती होत असल्याचे लक्षात आल्यास, लगेच रेग्युलेटर बंद करा. यामुळे गळती थांबण्यास मदत होते.

हवा खेळती ठेवा

गॅस गळती झाल्यास लगेच खिडक्या आणि दरवाजे उघडे ठेवा. यामुळे आग लागण्याचा धोका कमी होतो.

विजेची उपकरणे वापरू नका

गॅस गळती होत असताना विजेची उपकरणे वापरू नका. यामुळे स्पार्क होऊन आग लागण्याचा धोका असतो.

गॅस सिलेंडर बाहेर ठेवा

जर गॅस गळती कमी असेल, तर लगेच गॅस सिलेंडर बाहेर काढून ठेवा. नंतर ओल्या कापडाने सिलेंडर झाकून ठेवा.

तज्ज्ञांची मदत घ्या

अशा परिस्थितीत स्वतः उपाय करणे टाळावे. त्याऐवजी, तज्ज्ञांची मदत घ्यावी.

काळजी घ्या

गॅस शेगडी तिरकी न ठेवता सरळ ठेवा. हवा खेळती राहील अशी जागा निवडा. यामुळे गॅस गळती झाल्यास अपघाताचा धोका कमी होतो.