ओरिसात जन्मलेल्या गुजराती सुतार कुटुंबातील 'या' व्यक्तीचे गांधी कुटुंबाशी काय नाते आहे, जाणून घ्या कोण आहेत सॅम पित्रोदा?

सॅम पित्रोदा यांचे पूर्ण सत्यनारायण पित्रोदा आहे. त्यांचा जन्म ओरिसातील एका गुजराती सुतार कुटुंबात झाला. ते आणि त्यांचे कुटुंब सुरुवातीपासून गांधीवादी धोरणांना पाठिंबा देत आहेत. त्यामुळेच त्यांची काँग्रेसशी जवळीक कायम राहिली.

1984 मध्ये तत्कालीन पंतप्रधान इंदिरा गांधी यांच्या सांगण्यावरून पित्रोदा अमेरिका सोडून भारतात आले, असे मानले जाते. यासाठी त्यांना आपले अमेरिकन नागरिकत्वही सोडावे लागले.

1984 मध्ये इंदिरा गांधी यांच्या हत्येनंतर राजीव गांधी पंतप्रधान झाले. त्या काळात सॅम पित्रोदा त्यांचे सल्लागार झाले. यानंतर, 1987 मध्ये राजीव गांधींनी त्यांना दूरसंचार, पाणी, शिक्षण, लसीकरण, डेअरी आणि तेल बियाण्यांशी संबंधित सहा तंत्रज्ञान मोहिमांचे प्रमुख म्हणून नियुक्त केले.

सॅम पित्रोदा 2004 मध्ये काँग्रेसच्या नेतृत्वाखालील यूपीए सरकारमध्ये तत्कालीन पंतप्रधान मनमोहन सिंग यांनी पित्रोदा यांना राष्ट्रीय ज्ञान आयोगाचे अध्यक्ष बनण्यासाठी आमंत्रित केले होते. यानंतर पित्रोदा 2005 ते 2009 या काळात राष्ट्रीय ज्ञान आयोगाचे अध्यक्ष होते.

ऑक्टोबर 2009 मध्ये, काँग्रेसने सलग दुसऱ्यांदा विजय मिळवल्यानंतर, पित्रोदा यांची तत्कालीन पंतप्रधान मनमोहन सिंग यांचे सल्लागार म्हणून नियुक्ती करण्यात आली. यासोबतच त्यांना कॅबिनेट मंत्रीपदाचा दर्जाही देण्यात आला आहे.