Vivo T4R 5G धमाकेदार फीचर्ससह लाँच, वाचा किंमतीसह सेलची तारीख
सार
तुम्ही २० हजारांच्या बजेटमध्ये नवीन स्मार्टफोन शोधत असाल, तर तुमच्यासाठी या किमतीच्या श्रेणीत Vivo T4R 5G लाँच करण्यात आला आहे. फोनमध्ये उत्तम प्रोसेसर, उत्तम डिस्प्लेसह दमदार बॅटरी देण्यात आली आहे.
मुंबई : Vivo कंपनीने मिड सेगमेंटमधील ग्राहकांसाठी Vivo T4R 5G स्मार्टफोन लाँच केला आहे. फोनच्या फीचरबद्दल बोलायचे झाले तर, या फोनमध्ये १२० हर्ट्झ क्वाड कर्व्ड एमोलेड डिस्प्ले, मीडियाटेक डायमेन्सिटी प्रोसेसर, ३२ मेगापिक्सेल सेल्फी कॅमेरा आणि ५० मेगापिक्सेल ड्युअल कॅमेरा सेटअप अशी खास वैशिष्ट्ये आहेत. हा कर्व्ह्ड डिस्प्ले असलेला स्लिम स्मार्टफोन आहे ज्याची सुरुवातीची किंमत १९४९९ रुपये आहे. अशातच फोनचे फीचर्स आणि खरेदीसाठी किती पैसे मोजावे लागतील याबद्दलची सविस्तर माहिती जाणून घेऊया.
Vivo T4R 5G ची भारतातील किंमत
या नव्या Vivo स्मार्टफोनच्या 8 GB / 128 GB व्हेरिएंटची किंमत 19,499 रुपये आहे, 8 GB / 256 GB स्टोरेज व्हेरिएंटची किंमत 21499 रुपये आहे आणि 12 GB / 256 GB व्हेरिएंटची किंमत 23499 रुपये आहे. या फोनची विक्री 5 ऑगस्टपासून Vivo साइट आणि Flipkart वर सुरू होईल.
दरम्यान, या रेंजमध्ये, हा Vivo फोन Nothing Phone 2 Pro, Realme 14T 5G, Poco X7 5G आणि Infinix Note 40 Pro 5G ला कडक टक्कर देईल.
स्मार्टफोनचे फीचर्स
डिस्प्ले: या Vivo मोबाईल फोनमध्ये ६.७७-इंचाचा फुल एचडी प्लस रिझोल्यूशन क्वाड कर्व्ड AMOLED डिस्प्ले आहे जो १२०Hz रिफ्रेश रेट, १८०० निट्स पर्यंत पीक ब्राइटनेस आणि HDR10 प्लस सपोर्टसह येतो.
चिपसेट: या नव्या Vivo स्मार्टफोन MediaTek Dimensity 7400 प्रोसेसरसह 12 GB पर्यंत RAM आणि 256 GB पर्यंत UFS 2.2 स्टोरेजसह येतो.
ऑपरेटिंग सिस्टम: हा Vivo फोन Android 15 वर आधारित Funtouch OS 15 वर काम करतो.
कॅमेरा सेटअप: फोनच्या मागील बाजूस ५०-मेगापिक्सेलचा सोनी IMX882 प्रायमरी कॅमेरा सेन्सर आणि २-मेगापिक्सेल बोकेह कॅमेरा सेन्सर आहे. त्याच वेळी, सेल्फी आणि व्हिडिओ कॉलिंगसाठी समोर 32-मेगापिक्सेलचा सेन्सर देण्यात आला आहे. येथे एक गोष्ट लक्षात घेण्यासारखी आहे की फोनचे पुढील आणि मागील दोन्ही कॅमेरे 4K रिझोल्यूशनवर व्हिडिओ रेकॉर्डिंग करू शकता.
बॅटरी क्षमता: फोनला पॉवर देण्यासाठी ५७००mAh बॅटरी देण्यात आली आहे, जी ४४W फास्ट चार्जिंगला सपोर्ट करते.
कनेक्टिव्हिटी: ५जी सपोर्ट असलेल्या या फोनमध्ये सुरक्षिततेसाठी वाय-फाय, ब्लूटूथ व्हर्जन ५.४, जीपीएस, ४जी, यूएसबी टाइप सी पोर्ट आणि इन-डिस्प्ले फिंगरप्रिंट सेन्सर सारखे फीचर्स देण्यात आले आहेत.