IPL 2025 Final RCB vs PBKS देशभक्तीपर गाण्यांनी दणाणले मोदी स्टेडियम

आयपीएल २०२५ चा अंतिम सामना रॉयल चॅलेंजर्स बंगळुरु आणि पंजाब किंग्ज यांच्यात नरेंद्र मोदी स्टेडियमवर खेळला जात आहे. सामना सुरू होण्यापूर्वी समारोप समारंभात प्रेक्षकांमध्ये उत्साह संचारला आहे.

अहमदाबाद : आज आयपीएल २०२५ च्या विजेत्याचा निर्णय होणार आहे. रॉयल चॅलेंजर्स बंगळुरु आणि पंजाब किंग्ज अंतिम सामन्यासाठी सज्ज झाले आहेत. हा सामना अहमदाबादच्या नरेंद्र मोदी स्टेडियमवर खेळला जात आहे. सामन्याच्या सुरुवातीपूर्वी स्टेडियममध्ये भव्य समारोप समारंभ झाला. प्रसिद्ध गायक शंकर महादेवन आणि त्यांच्या मुलाने प्रेक्षकांमध्ये देशभक्तीची भावना जागृत केली. त्यांनी देशभक्तीपर गीतांनी लाखो चाहत्यांचे मनोरंजन केले. बीसीसीआयने भारतीय सैन्यासाठी विशेष समारंभाचे आयोजन केले. ऑपरेशन सिंदूरमध्ये सैन्याने दाखवलेल्या शौर्याला सलाम केला गेला.

बंगळुरु आणि पंजाब यांच्यातील सामन्यापूर्वी मैदानावर देशभक्तीची लाट उसळली. सर्वत्र वंदे मातरमचे स्वर ऐकू येत होते. संपूर्ण नरेंद्र मोदी स्टेडियम चाहत्यांनी गजबजले. कुठेही पाय ठेवण्याची जागा नव्हती. अशात देशभक्तीपर गीतांचा तडका लागणे आणखी मजेदार ठरले. प्रसिद्ध गायक शंकर महादेवन आणि त्यांच्या मुलाने प्रेक्षकांमध्ये उत्साह संचारला. सर्वत्र भारत माता की जयघोष झाला. सैन्याचे कौतुक केले. सर्व चाहते आपल्या देशाच्या वीर जवानांना श्रद्धांजली अर्पण केली.

भारतीय सैन्याने राबवलेले ऑपरेशन सिंदूर

२२ एप्रिल रोजी जम्मू-काश्मीरमधील पहलगाममध्ये दहशतवादी हल्ला झाला होता, ज्यात २६ जणांचा मृत्यू झाला होता. त्यानंतर संपूर्ण देश संतप्त झाला होता. भारत सरकारने यावर कारवाई केली आणि त्वरित ऑपरेशन सिंदूरच्या माध्यमातून काही दिवसांतच त्याचा बदला घेतला. भारतीय सैन्याने या हल्ल्यात सहभागी असलेल्या दहशतवाद्यांना एक एक करून ठार मारले. त्यानंतर पाकिस्तानने केलेल्या हल्ल्याचाही भारतीय सैनिकांनी जोरदार प्रत्युत्तर दिले.

मधल्या काळात आयपीएल २०२५ स्थगित झाले होते

भारत आणि पाकिस्तानमधील सैन्य तणावामुळे आयपीएलचा हंगाम मध्यावरच थांबवण्यात आला होता. एका आठवड्यासाठी तो स्थगित करण्यात आला होता. पण, त्यानंतर सर्वकाही सुरळीत झाल्यावर पुन्हा त्याला सुरुवात झाली. अशात सैन्याने दाखवलेल्या शौर्याचे बीसीसीआयने कौतुक करण्याचा निर्णय घेतला. त्यासाठीच अंतिम सामन्यात देशाच्या जवानांच्या नावाने भव्य समारोप समारंभाचे आयोजन करण्यात आले.