Parliament Monsoon Session : आजपासून संसदेचे पावसाळी अधिवेशन सुरू होणार, या मुद्द्यांवर असणार नजर

आजपासून संसेदेचे पावसाळी अधिवेशन सुरू होणार आहे. यावेळी विरोधकांकडून पहलगाम हल्ला, ऑपरेशन सिंदूर, अमेरिकेचे राष्ट्राध्यक्ष डोनाल्ड ट्रम्प यांच्यासह अन्य काही मुद्द्यांवर सरकारला घेरण्याचा प्रयत्न केला जाऊ शकतो.

मुंबई : संसदेचे आजपासून (21 जुलै) पावसाळी अधिवेशन सुरू होणार आहे. हे अधिवेशन पुढील 32 दिवस चालणार असून यामध्ये 21 सत्र पार पडणार आहेत. पंतप्रधान नरेंद्र मोदी आजपासून अधिवेशनाला सुरुवात करण्यापूर्वी मीडियाशी संवाद साधणार आहेत. ऑपरेशन सिंदूरसह मुख्य मुद्द्यांवर पंतप्रधान नरेंद्र मोदींसह संरक्षण मंत्री राजनाथ सिंह देखील बोलणार आहेत. या दरम्यान राज्यसभेत विरोधकांना विचारण्यास परवानगी दिली जाईल.

पीएम मोदी मीडियाला संबोधित करणार

अधिवेशनाच्य आधी रविवारी बोलवण्यात आलेल्या सर्वपक्षीय बैठकीत विरोधकांनी ऑपरेशन सिंदूर आणि ट्रम्प यांच्या विधानांवर पंतप्रधान नरेंद्र मोदी यांनी देशाला उत्तर द्यावे अशी मागणी केली आहे. केंद्रीय आरोग्य मंत्री जेपी नड्डा यांच्या अध्यक्षतेखाली झालेल्या बैठकीत संसदीय कार्यमंत्री किरेन रिजिजू यांनी म्हटले की, सरकार ऑपरेशन सिंदूरसह काही नियमानुसार चर्चा करण्यास तयार आहे. पीएम मोदी यांनी उत्तर देण्याच्या मागणीवर रिजिजू यांनी म्हटले की, परदेश यात्रा सोडल्यास पंतप्रधान अधिवेशनदरम्यान प्रत्येक संसदेत उपस्थितीत असतात. ते नेहमीच संसदेत नेहमीच उपस्थितीत राहतील अशी अपेक्षा करू शकत नाही. जेव्हा कधी सत्र सुरू असते तेव्हा केंद्रीय मंत्री आपल्या विभागांसंदर्भात प्रश्नांची उत्तरे देण्यासाठी असतात.

सरकार अधिवेशनात आठ नवीन आणि नऊ प्रलंबित विधेयके सादर करणार

संसदेच्या पावसाळी अधिवेशनापूर्वी झालेल्या सर्वपक्षीय बैठकीत काँग्रेस खासदार जयराम रमेश, केंद्रीय मंत्री किरेन रिजिजू, केंद्रीय मंत्री जेपी नड्डा आणि इतर अनेक पक्षांच्या नेत्यांसह ५४ जण सहभागी झाले होते. सरकारी सूत्रांचे म्हणणे आहे की अधिवेशनात आठ नवीन आणि नऊ प्रलंबित विधेयके सादर करण्याची योजना आहे.

सरकार कोणत्याही मुद्द्यावर चर्चेपासून मागे हटणार नाही: रिजिजू

रिजिजू म्हणाले की, बैठकीत संसदेचे कामकाज सुरळीत चालावे यासाठी सरकारने विरोधी पक्षाचे सहकार्य मागितले. आगामी सत्र पूर्णपणे फलदायी होईल अशी आशा आहे. ते म्हणाले, आम्ही ऑपरेशन सिंदूरसह कोणत्याही विषयावर चर्चेपासून पळत नाही आहोत. हे सर्व विषय देशासाठी खूप महत्वाचे आहेत. परंतु कोणताही वादविवाद नियमांच्या चौकटीतच होईल. कमी खासदार असलेल्या पक्षांनाही बोलण्यासाठी पुरेसा वेळ देण्याच्या मागणीवर रिजिजू म्हणाले, आम्ही सर्वांना पुरेसा वेळ देण्याचा प्रयत्न करू.

बिहार आणि मणिपूरच्या मुद्द्यांवरही चर्चा करण्याची मागणी

संसदेच्या अधिवेशनाच्या सुरुवातीपूर्वी रविवारी झालेल्या सर्वपक्षीय बैठकीत, विरोधी पक्षांनी बिहारमधील मतदार यादीची विशेष सखोल पुनरावृत्ती आणि मणिपूर, जम्मू आणि काश्मीर आणि चीनवर चर्चा करण्याची मागणीही उपस्थित केली. मतदार यादीचा मुद्दा निवडणूक आयोगाशी संबंधित असल्याने आणि सर्वोच्च न्यायालयात प्रलंबित असल्याने, सरकार त्यावर चर्चा करेल.

सर्वपक्षीय बैठकीत विरोधी पक्षाच्या खासदारांनी काय म्हटले?

काँग्रेस खासदार गौरव गोगोई म्हणाले की, पंतप्रधान नरेंद्र मोदी यांनी स्वतः ऑपरेशन सिंदूर आणि ट्रम्प यांच्या दाव्यावर निवेदन द्यावे अशी आमची मागणी आहे. ही त्यांची नैतिक जबाबदारी आहे. गोगोई म्हणाले की, बिहारमधील मतदारांच्या नावांबाबतच्या कटाचा मुद्दा काँग्रेस उपस्थित करेल. परराष्ट्र धोरणातील अपयश आणि गुप्तचर यंत्रणेतील अपयशाचा आरोप करत समाजवादी पक्षाचे खासदार रामगोपाल यादव म्हणाले की, जम्मू आणि काश्मीरमधील पहलगाममध्ये गुप्तचर यंत्रणेतील अपयशाची कबुली स्वतः उपराज्यपालांनी दिली आहे. ही एक गंभीर परिस्थिती आहे. ते म्हणाले की, भारताने पाकिस्तानशी संबंधित कोणत्याही मुद्द्यावर कधीही तिसऱ्या पक्षाच्या मध्यस्थीला परवानगी दिलेली नाही आणि म्हणूनच सरकारने अमेरिकेचे अध्यक्ष ट्रम्प यांनी केलेल्या दाव्यांवर स्पष्टीकरण द्यावे. ऑपरेशन सिंदूरवर कोणत्याही देशाने भारताला पाठिंबा न दिल्याने आपले परराष्ट्र धोरण अपयशी ठरले आहे, असा दावा त्यांनी केला.