Mumbai | Kurla Crane Accident | MMRDAच्या कामादरम्यान क्रेन कोसळली, 10 जखमी

सम्राट अशोक नगरजवळील MMRDAच्या साइटवर पाडकामासाठी एक्स्कॅव्हेटरची जागा निश्चित करत असताना क्रेन कोसळली. या दुर्घटनेत झोपड्या, रेल्वेची उपकरणे, रस्ता आणि पार्क केलेल्या वाहनांचे नुकसान झाले. दुर्घटनेत एकूण 10 जण जखमी झाले. जगरुल्ला नबी मोहम्मद खान (63), अहमद नियाज अहमद (3 महिने), अतिकूर रहमान (60), हकूम शेख (36), नुमान खान (21), रहमान खान (19), सूरज गौर (10), अकबर (40), राजू गौड (35) आणि आरती गौड (30) यांचा जखमींमध्ये समावेश आहे. आठ जखमींवर सायन रुग्णालयात, तर दोघांवर कुर्ला भाभा रुग्णालयात उपचार करण्यात आले. सर्वांची प्रकृती स्थिर असल्याची माहिती आहे. MMRDAने मऊ जमीन हे दुर्घटनेमागील एक कारण असल्याचे म्हटले आहे. दुर्घटनेनंतर परिसर सुरक्षित करण्यात आला असून वैद्यकीय मदत आणि साफसफाईच्या कामासाठी सहकार्य केले जात आहे. दरम्यान, परिसरात वारंवार निर्माण होणाऱ्या सुरक्षेच्या समस्यांबाबत स्थानिक रहिवाशांनी नाराजी व्यक्त केली.