Gujarat Rain : गुजरातमध्ये मुसळधार पाऊस: द्वारकामध्ये 3 मजली इमारत कोसळली

Gujarat Rain: गुजरातमध्ये मुसळधार पावसामुळे गंभीर परिस्थिती निर्माण झाली आहे. द्वारकातील खंभलिया येथे तीन मजली इमारत कोसळल्याने वृद्ध महिला आणि तिच्या दोन नातवंडांचा मृत्यू झाला. 

Gujarat Rain: गुजरातमध्ये मुसळधार पाऊस सुरू आहे, एवढा मुसळधार पाऊस पडत आहे की काही ठिकाणी अपघात होऊन लोकांना जीव गमवावा लागत आहे. द्वारका येथील खंभलिया येथे भीषण अपघात झाला. जिथे तीन मजली इमारत कोसळली. यामध्ये वृद्ध महिला आणि तिच्या दोन नातवंडांचा मृत्यू झाला. माहिती मिळताच पोलीस-प्रशासन आणि अग्निशमन विभागाचे पथक घटनास्थळी पोहोचले, त्यांनी तात्काळ बचाव कार्य करून 5 जणांना वाचवले.

गुजरातमध्ये तीन दिवस मुसळधार पाऊस, द्वारकामध्ये एकाच दिवसात १८ इंच पडला पाऊस - 
सौराष्ट्र, गुजरातमध्ये गेल्या तीन दिवसांपासून मुसळधार पाऊस सुरू आहे. तर द्वारकेबद्दल बोलायचे झाले तर अवघ्या एका दिवसात १८ इंच पाऊस झाला आहे. संपूर्ण जिल्ह्यात पूरस्थिती निर्माण झाली आहे. पाण्यामुळे परिस्थिती इतकी बिकट झाली आहे की लोकांना २४ तास घराबाहेर पडता येत नाही. मुसळधार पावसाच्या पार्श्वभूमीवर अनेक शाळांना सुटी जाहीर करण्यात आली आहे.
आणखी वाचा - 
Manoj Jarange Hunger Strike : मनोज जरांगे आंतरवाली सराटीतील उपोषण स्थगित करणार
Budget 2024 : बजेटमध्ये नागपूर मेट्रोला 683 कोटी, दुसऱ्या टप्प्याला मिळाला बूस्ट