Ayodhya Ram Mandir : राम मंदिरासाठी सर्वाधिक देणगी कोणी दिली व किती दिली? जाणून घ्या

अयोध्येतील राम मंदिरासाठी देश-परदेशातील रामभक्तांनी उदार मनाने देणगी दिली आहे. रामभक्तांनी एवढी देणगी दिली की याद्वारे मिळालेल्या व्याजाच्या पैशातून मंदिराच्या पहिल्या मजल्याचे बांधकाम पूर्ण होईल, असे म्हटले जात आहे.

राम मंदिरासाठी आतापर्यंत 5 हजार कोटी रूपयांहून अधिक देणगी मिळाली आहे. श्री राम जन्मभूमी तीर्थ क्षेत्र ट्रस्टच्या माहितीनुसार मंदिराच्या समर्पण निधि खात्यात 3 हजार 200 कोटी रुपये प्राप्त झाले आहेत.

श्री राम जन्मभूमी तीर्थ क्षेत्र ट्रस्टच्या माहितीनुसार, राम मंदिर उभारणीसाठी आतापर्यंत जवळपास 18 कोटी रामभक्तांकडून 3 हजार 200 कोटी रुपयांची देणगी समर्पण निधि खात्यात जमा झाली आहे.

श्री राम जन्मभूमी तीर्थ क्षेत्र ट्रस्टच्या माहितीनुसार ट्रस्टने बँक खात्यामध्ये प्राप्त झालेल्या देणगीच्या पैशांची एफडीमध्ये गुंतवणूक केली. ज्याद्वारे मिळालेले व्याजाच्या पैशातूनच मंदिराचे आतापर्यंतचे बांधकाम पूर्ण झाले.

श्री राम जन्मभूमी तीर्थ क्षेत्र ट्रस्टच्या संकेतस्थळावरील माहितीनुसार, राम मंदिरासाठी सर्वाधिक देणगी प्रसिद्ध कथावाचक मोरारी बापू यांनी दिली आहे. त्यांनी मंदिरासाठी 11.3 कोटी रूपयांची देणगी दिली आहे.

अमेरिका, कॅनडा आणि यूकेमध्ये स्थायिक असलेल्या मोरारी बापू यांच्या अनुयायांकडूनही अयोध्येतील राम मंदिर उभारणीसाठी 8 कोटी रूपयांची देणगी देण्यात आली.

राम मंदिर उभारणीसाठी गुजरातमधील हिरे व्यापारी गोविंदभाई ढोलकिया यांनी 11 कोटी रूपयांची देणगी दिली. ढोलकिया हे डायमंड कंपनी श्रीराम कृष्णा एक्सपोर्ट्सचे मालक आहेत.

राम मंदिर निर्माणासाठी देणगी घेण्याची सुरुवात 14 जानेवारी 2021 पासून झाली. त्यावेळेस तत्कालीन राष्ट्रपती रामनाथ कोविंद यांनी 5 लाख रूपयांची देणगी श्री राम जन्मभूमी तीर्थ क्षेत्र ट्रस्टला चेक स्वरुपात दिली होती.

अमेरिकेतील एका रामभक्ताने स्वतःचे नाव जाहीर न करता राम मंदिर उभारणीसाठी 11 हजार रूपयांची देणगी दिली.

आणखी वाचा : 

अयोध्येतील भव्य श्री राम मंदिर रात्रीच्या वेळेस दिसेल अधिक सुंदर, पाहा मंत्रमुग्ध करणारा VIDEO

राम मंदिर उभारणीमध्ये सर्वात मोठे आव्हान कोणते होते? या व्यक्तीने केला खुलासा

राम मंदिर उभारणीत वापरलेल्या प्रत्येक दगडाचे 5 प्रकारे करण्यात आले परीक्षण, वाचा सविस्तर