रणजी करंडकात अनिकेतने घेतली १० विकेट्स
रणजी करंडक स्पर्धेत हरियाणाचा अनिकेतने एका डावात दहा विकेट्स घेऊन दुर्मिळ कामगिरी केली आहे. या कामगिरीचा सविस्तर वृत्तांत येथे वाचा.
लाहली(हरियाणा): हरियाणाचा युवा वेगवान गोलंदाज अनिकेतने रणजी क्रिकेटमध्ये विशेष कामगिरी केली आहे. केरळविरुद्धच्या सामन्यात एका डावातील सर्व दहा विकेट्स अनिकेतने घेतल्या असून, स्पर्धेच्या इतिहासात ही कामगिरी करणारा तो तिसरा गोलंदाज ठरला आहे.
पहिल्या दिवशी ८ विकेट्स घेतलेल्या २३ वर्षीय अनिकेतने शुक्रवारी उर्वरित दोन्ही विकेट्स मिळवल्या. त्याने ३०.१ षटके टाकून ४९ धावा दिल्या. यापूर्वी १९५६ मध्ये बंगालचा प्रेमानू चॅटर्जीने आसामविरुद्ध आणि १९८५ मध्ये राजस्थानचा प्रदीप सुंदरमने विदर्भविरुद्धच्या सामन्यात एका डावातील सर्व दहा विकेट्स घेतल्या होत्या.
प्रथम श्रेणी क्रिकेटमध्ये ही कामगिरी करणारा अनिकेत हा भारताचा सहावा गोलंदाज आहे. दिग्गज फिरकीपटू अनिल कुंबळे, सुभाष गुप्ते आणि देबाशीष मोहंती यांनीही एका डावात दहा विकेट्स घेतल्या आहेत. कुंबळेने १९९९ मध्ये पाकिस्तानविरुद्धच्या कसोटी सामन्यात, बॉम्बे संघाचा सुभाषने १९५४-५५ मध्ये पाकिस्तान सव्‍‌र्हिसेस आणि बहावलपूर जीआय विरुद्धच्या तीन दिवसीय सामन्यात दहा विकेट्स घेतल्या होत्या. देबाशीषने २०००-०१ मध्ये दुलिप करंडक स्पर्धेत दक्षिण विभागविरुद्धच्या सामन्यात पूर्व विभागाकडून दहा विकेट्स घेतल्या होत्या.
रणजी करंडक: उत्तर प्रदेशचा कर्नाटकविरुद्ध चिवट संघर्ष
लखनौ: कर्नाटकविरुद्धच्या रणजी करंडक 'सी' गटातील सामन्यात उत्तर प्रदेशने चिवट संघर्ष केला आहे. पहिल्या डावात १८६ धावांचे मागे असलेल्या उत्तर प्रदेशने दुसऱ्या डावात तिसऱ्या दिवसाअखेर ५ बाद ३२५ धावा केल्या असून, १३९ धावांची आघाडी घेतली आहे.
दुसऱ्या दिवसाअखेर १ बाद ७८ धावा केलेल्या उत्तर प्रदेशने शुक्रवारी अप्रतिम फलंदाजी केली. दुसऱ्या विकेटसाठी आर्यन जुयाल आणि माधव कौशिक यांनी २४६ धावांची (४९३ चेंडू) भागीदारी केली. दोघांनीही आकर्षक शतके झळकावली. कर्णधार आर्यन १०९ धावांवर बाद झाला, तर माधव १३४ धावा करून माघारी परतला. समीर रिझवीने ३० धावांचे योगदान दिले.
२५४ धावांवर एक विकेट गमावलेल्या संघाला माधवच्या बाद झाल्यानंतर धक्का बसला. संघाने ६६ धावांच्या आत ४ विकेट्स गमावल्या. सध्या आदित्य शर्मा (नाबाद २४) आणि कृतज्ञ सिंग (नाबाद ५) चौथ्या दिवसासाठी फलंदाजी करत आहेत. मोहसीन खान आणि श्रेयस गोपाळ यांनी प्रत्येकी २ विकेट्स घेतल्या.
शनिवारी सामन्याचा शेवटचा दिवस असून, विरोधी संघाच्या उर्वरित ५ विकेट्स लवकर बाद करून सोपे लक्ष्य मिळवून कर्नाटक संघ विजय मिळवण्याच्या आशेवर आहे.
धावफलक: उ.प्रदेश ८९ आणि ३२५/५ (तिसऱ्या दिवसाअखेर) (माधव १३४, आर्यन १०९, मोहसीन २-७०, श्रेयस २-८३), कर्नाटक २७५/१०
)
)
)
)