Ahmedabad Plane Crash: एक स्फोट आणि सगळीकडे धुरच धूर, फोटोमध्ये पाहा अहमदाबाद विमान अपघाताचं दृश्य

अहमदाबाद विमानतळावर एअर इंडियाचं विमान क्रॅश झालं. लंडनला जाणारं हे विमान उड्डाण करताना भिंतीला धडकलं. विमानात गुजरातचे माजी मुख्यमंत्री विजय रुपाणींसह २४२ प्रवासी होते.

विमान क्रॅश होताच धमाका

अहमदाबाद विमानतळाजवळ गुरुवारी दुपारी मोठा अपघात झाला. एअर इंडियाचं बोईंग ७८७ ड्रीमलाइनर विमान क्रॅश झालं आहे. उड्डाण करताना विमान एका भिंतीला धडकलं आणि धमाका झाला. अपघात होताच धुराचे लोट आकाशात जाताना दिसले.

विमानात २४२ प्रवासी होते

एअर इंडियाच्या या विमानात २४२ प्रवासी होते आणि हे विमान लंडनला जात होतं. मात्र उड्डाण करताना ते विमानतळाच्या भिंतीला धडकलं.

विजय रुपाणीही विमानात होते

माजी मुख्यमंत्री विजय रुपाणीही या विमानात होते. सर्व प्रवाशांना रुग्णालयात पाठवण्यात आलं आहे. अपघाताचं कारण अद्याप स्पष्ट नाही. प्रशासन, अग्निशमन दल आणि NDRF घटनास्थळी पोहोचले आहेत.

क्रॅशचे व्हिडिओ व्हायरल

विमान क्रॅशचे अनेक व्हिडिओ सोशल मीडियावर व्हायरल होत आहेत. यात धुराचे लोट आकाशात जाताना दिसत आहेत.

डॉक्टर्सच्या इमारतीला धडक

ज्या भिंतीला विमान धडकलं त्या इमारतीत सिव्हिल हॉस्पिटलचे डॉक्टर्स राहतात. काही डॉक्टर्स जखमी झाल्याची माहिती आहे. बचावकार्य सुरू आहे.