Saira Movie Review: एका पुनर्जन्माची प्रेमकहाणी

‘सैयारा’ चित्रपटात वाणी नावाच्या कवयित्रीची प्रेमकहाणी दाखवली आहे. तिच्या लग्नाच्या दिवशी तिचा विश्वासघात होतो आणि ती पत्रकार म्हणून नवीन कारकीर्द सुरू करते. या नव्या प्रवासात ती कृषला भेटते आणि त्यांच्यात प्रेम फुलतं.

मोहित सूरी हा त्याच्या प्रेक्षकांसाठी कायमच काहीतरी खास घेऊन येत असतो. तो लव्ह स्टोरीवर आधारितच खासकरून चित्रपट करत असतो. संगीत, प्रेमकथा आणि स्टारकास्टवर तो नियमितपणे काम करतो. अहान पांडे आणि अनित पड्डा या दोघांना घेऊन मोहितने नवीन चित्रपट बनवला आहे. सैयारा हा नवीन चित्रपट त्यानं बनवला आहे. आपण हा चित्रपट कसा आहे, हे जाणून घेऊयात.

कथानक – एक पुन्हा जन्मलेली कविता

‘सैयारा ’ ही एक सुंदर आणि भावनिक प्रेमकथा आहे ज्यात वाणी बत्रा (अनीत पड्डा) नावाची कवयित्री प्रमुख पात्र आहे. तिच्या लग्नाच्या दिवशी वर म्हणजे भविष्यातील पती तिचा विश्वासघात करतो, ज्यामुळे वाणी भावनिक आघातग्रस्त होते. सहा महिन्यांनंतर पत्रकार म्हणून कारकीर्द सुरू करते आणि कृष कपूर (अहान पांडे) यांच्याशी तिचं होणं सुरू होतं. कृष तिच्या कवितेवर गीत लिहून तो तिला पुन्हा शोधतो आणि त्यांच्या प्रेमाच्या नव्या प्रवासाची सुरुवात होते. या कथेतील भावना आणि अडचणींची गुंफण हृदयस्पर्शी आहे.

लेखन व दिग्दर्शन

दिग्दर्शक मोहित सुरी यांनी मूळतः ‘आशिकी २’ आणि ‘एक व्हिलेन’ सारख्या चित्रपटांमध्ये जशी प्रभावशाली प्रेमकथा साकारल्या, तसंच ‘सैयारा’मध्येदेखील साध्या कथानकाला हळुवार रचना दिली आहे. पटकथा हळू सुरुवात करून थोड्या लांबलचक भागांनी जरा संकोच दाखवला तरी, संपूर्ण चित्रपट हृदयाशी संवाद साधतो. पटकथा, संवाद आणि पार्श्वसंगीताने कथेला आवश्यक गती आणि भावनिक लय प्राप्त होते . 

अभिनय 

अहान पांडे यांनी कृष कपूरच्या भूमिकेत एकाकी पण प्रभावी युवा व्यक्तिमत्व उभं केलं आहे. त्यांच्या हावभावांमधून कथानकाची भावना प्रकट होते. अनीत पड्डा यांनी वाणीची पात्र सहज आणि खऱ्या अनुभूतीसोबत साकारली आहे. त्यांच्या अभिनयात असलेला निरागसपणा आणि आघातातून पुन्हा उभं राहण्याची क्षमता चित्रपटाला जीव देते.